Сӯхтор дар урдугоҳи мусулмонони Роҳинҷа дар Бангладеш
Ба гузориши ИКНА ба нақл аз хабаргузории Аракон, як сӯхторӣ густарда дирӯз дар урдугоҳи шумораи 21-и паноҳандагони Роҳинҷа дар минтақаи Кокс-Бозори Банглодеш рух дод, ки ҳеҷ талафоти ҷоние дар бораи он гузориш нашудааст.
Бар асоси ин гузориш, ин оташсӯзӣ, ки гуфта мешавад бо ангезаи қасдона ва аз сӯи афроди номаълум ба вуқӯъ пайвастааст, боиси он шудааст, ки 7 мағоза пурра ба коми оташ равад ва тамоми маводди дохилии онҳо сӯхта нобуд шавад.
Дар ин гузориш таъкид шудааст, ки ҳеҷ осебе ба паноҳгоҳҳои паноҳандагони Роҳинҷа дар ин урдугоҳ нарасидааст ва ҳеҷ ғайринизомӣ талаф намебинад.
Банглодеш беш аз як миллион паноҳандаи Роҳинҷаро дар урдугоҳҳои минтақаи Кокс-Бозор мизбонӣ мекунад, ки Созмони Милали Муттаҳид онро бузургтарин урдугоҳи паноҳандагон дар ҷаҳон донистааст.
Роҳинҷа, ки аз соли 2017 ба сабаби генотсиди низомиёни Мянмар (Мянма) маҷбур ба фирор аз кишвари худ шудаанд, то ҳол дар шароити душвори башарӣ зиндагӣ мекунанд.
Мавҷи нави ҳаракати паноҳандагони Роҳинҷа ба самти Банглодеш аз замони оғози даргириҳо дар иёлати Ракин байни артиши Мянмар ва нерӯҳои ҷудоихоҳи Аракон дар ноябри 2023 дубора оғоз ёфтааст.
