Бозкушоии масҷиди марказии Сеул бо ҳимояти Туркия
Ба гузориши ИКНА ба нақл аз хабаргузории «Анатолӣ», масҷиди марказии Сеул дар Кореяи Ҷанубӣ пас аз таъмир ва зинатдиҳӣ бо хаттотӣ ва мозаикаҳои зебо бо хатти арабӣ, бо пуштибонии сафорати Туркия дар Сеул, дубора боз гардид.
Бар асоси иттилооти расида аз сафорати Туркия дар Сеул, ин масҷид пас аз анҷоми таъмиру бозсозӣ, рӯзи душанбе дар маросиме расман ифтитоҳ шуд.
Ҳусейн Ким Донг Иёк, раиси Федератсияи исломии Корея, дар суханони худ аз Мурад Тамер, сафири Туркия дар Сеул ва дигар масъулони сафорат, ки дар ҷараёни таъмир ва бозсозии масҷид пуштибонӣ намуданд, изҳори сипос кард.
Иёк бар амиқи дӯстӣ миёни мардумони Туркия ва Кореяи Ҷанубӣ таъкид кард.
Рӯзи 2-юми июл корҳои таъмиру ороиши масҷиди Сеул оғоз ёфта буд ва пораҳои мозаика барои ин масҷид махсус истеҳсол шуданд.
Дар ин маросим нусхаи дақиқе аз Қуръони Карим, ки ба Усмон ибни Аффон нисбат дода мешавад, ба сафири Туркия дар Сеул тақдим гардид.
