Дар панҷ соли оянда 1200 мактаби расмии ҳифзи Қуръон таъсис дода мешавад
Микоили Боқирӣ, мудири кулли бахши Қуръон, Итра ва намози Вазорати маориф, ки дар маросими поёни 32-юмин Намоишгоҳи байналмилалии Қуръони Карим аз тарафи Анҷумани ходимони Қуръони Карим ҳамчун фаъоли фарҳангии соҳаи маориф қадрдонӣ шуд, бо ҳузур дар студияи Хабаргузории байналмилалии Қуръони (ИКНА) ба суолҳо дар бораи фаъолияти идораи худ, равобит бо дигар муассисаву ниҳодҳои қуръонӣ ва барномаҳои оянда шарҳ дод.
ИКНА: Ҳамчун аввалин суол, фаъолиятҳои Идораи кулли Қуръон, Итра ва намоз дар Вазорати маориф кадом самтҳоро фаро мегиранд ва оё дар амалӣ сохтани онҳо муваффақ будаанд?
Доктор Козимӣ, вазири маорифи давлати чордаҳум, аз ибтидо афзалиятҳоро муайян ва баён карданд. Муҳимтарин афзалияти эшон намоз аст.
Дар бахши Қуръон се вазифаи асосӣ барои ин идора таъйин шуд. Яке аз онҳо омӯзиши умумии Қуръон аст.
Вазифаи дигар, мавзӯи ҳифз аст. Тавре маълум аст, мақоми раҳбарии кишвар борҳо таъкид карданд, ки мо бояд 10 миллион ҳофизи Қуръон дошта бошем. Аз ин рӯ, вазири маориф бар ин назар аст, ки дар ин замина бояд коре анҷом дода шавад, то бахши муҳимме аз аҳдофе, ки то ҳол амалӣ нашудаанд, ба натиҷа бирасанд.
Дар самти тарбияти ҳофизон, Вазорати маориф яке аз муваффақтарин ниҳодҳост ва агар ҳамаи муассисаву ниҳодҳо ба андозаи Вазорати маориф фаъолият мекарданд, мо дар ин роҳ пешрафти зиёд медоштем.
Кашфи истеъдод ва парвариши он сеюмин тақозои вазир буд ва таъкид шуд, ки ҳеҷ хонанда набояд аз истеъдоди худ ғофил бошад ва ё ба хотири камкории мо, махсусан дар бахши Қуръон, натавонад истеъдоди худро рушд диҳад.
Дар бахши Итра низ таъкид шуд, ки ба ҳар хонанда як нақши тарбиявӣ дода шавад, ки натиҷаи он ташкили ҳайатҳои хонандагӣ буд.
Қарор аст, тибқи Барномаи ҳафтуми рушди кишвар, дар панҷ соли оянда 1200 мактаби расмии ҳифзи Қуръон таъсис дода шавад, ки теъдоде аз онҳо ҳоло ба таври озмоишӣ фаъолият мекунанд.
Мо дар пайи пойдор сохтани барномаҳои дарсӣ ҳастем ва дар мавриди Қуръон, илова бар таҳкими ин барномаҳо, масъалаи кашфи истеъдод ва парвариши он низ мавриди таваҷҷуҳ аст. Баъзан корҳои касбӣ низ анҷом медиҳем.
Агар ҳамаи омӯзгорон ба дониши кофӣ нисбат ба Қуръон даст ёбанд ва дар паҳлӯи он, Созмони таҳқиқот ва барномарезии таълимӣ барои ҷаззобияти бештар дар мазмуни китобҳои дарсӣ кӯшиш кунад, худ ба худ пояи сеюми ин сегона — яъне омӯзандаи Қуръон — низ завқи бештаре барои омӯзиши Қуръон пайдо хоҳад кард.
