Сабти тиловати омӯзишии Қуръон дар радиои «Фурқон»-и Ироқ
Ба гузориши ИКНА аз Ироқ, Рофеъ Ал-Омирӣ, мудири Маркази миллии улуми қуръонии Ироқ ва аз қориёни маъруфи ин кишвар, бо Абдурраҳим Муҳсин, мудири радиои Фурқон, дидор ва гуфтугӯ анҷом дод.
Дар ин дидор роҳҳои таҳкими ҳамкориҳои дуҷониба барои истифода аз таҷрибаҳои қуръонии Маркази улуми Қуръони Ироқ дар заминаи баргузории маҳфилҳо ва нишастҳои унси бо Қуръон баррасӣ шуданд.
Ҳамчунин, ду тараф масоили муштараки мавриди таваҷҷуҳи қуръониро муҳокима карданд ва мудири маркази улуми Қуръон розигии худро барои сабти тиловати кулли Қуръон дар студияи радиои Фурқон бо садои устод Субҳ Ас-Сароӣ, қории ироқӣ, изҳор дошт.
Дар идомаи дидор, сабти тиловати омӯзишии Қуръон бо овози устод Рофеъ Ал-Омирӣ ва бо ҳамкории яке аз қориёни тавонои ироқӣ оғоз гардид.
Мудири радиои Фурқон дар ин мулоқот бо қадрдонӣ аз фаъолиятҳои қуръонии Маркази миллии улуми Қуръон, ки зери назари идораи авқофи шиаи Ироқ фаъолият мекунад, бар зарурати идомаи ҳамкориҳо ва дидорҳои дуҷониба ба хотири хидмат ба Қуръон таъкид кард.
