Нигоҳи мо ба ҳавзаи Қум тафовуте бо нигоҳамон ба ҳавзаи Наҷаф надорад
Ба гузориши ИКНА ба нақл аз пойгоҳи иттилоърасонии Оятуллоҳ Ҷаводии Омулӣ, ишон субҳи рӯзи душанбе дар идомаи сафараш ба атаботи олия, бо ҳузур дар манзили Оятуллоҳ Систонӣ дар Наҷафи Ашраф бо ин марҷаи тақлид дидору гуфтугӯ кард.
Ин дидор дар фазои самимӣ дар бораи масоили илмӣ, ахлоқӣ ва ҷаҳони Ислом баргузор шуд.
Бар асоси ин гузориш, Оятуллоҳ Систонӣ бо ибрози хушнудӣ аз ҳузури ишон дар атаботи олия, тафсири Таснимро ифтихоре барои шиа донист ва гуфт: «Шумо 40 сол дар канори Қуръони Карим будед ва заҳмат кашидед ва ин осори шумо ифтихоре барои шиа аст.»
Ишон таъкид кард: «Асл ва меҳвар Қуръони Карим аст; ривоятҳои Аҳли байт (а) бояд ба Қуръон арз шавад ва танҳо дар сурате, ки бо Қуръон мутобиқат дошта бошад, қобили истинод ва амал хоҳад буд.»
Оятуллоҳ Систонӣ афзуд: «Нигоҳи мо ба ҳавзаи илмияи Қум ҳеҷ тафовуте бо нигоҳи мо ба ҳавзаи илмияи Наҷаф надорад ва то ҷое ки тавон дорем, барои ҳавзаи илмия кӯмак хоҳем кард.»
Ишон ҳамчунин бо ибрози хушҳолӣ аз ин дидор, хитоб ба Оятуллоҳ Ҷаводии Омулӣ гуфт: «Мо тавсифи шуморо ва осори илмии шуморо бисёр шунида будем, аммо "шунидан куҷо ва дидан куҷо!"»
Оятуллоҳ Ҷаводии Омулӣ низ бо арҷгузорӣ ба шахсияти барҷастаи Оятуллоҳ Систонӣ изҳор дошт: «Ҳузури шахсияти бузурге монанди шумо неъмати азиме барои ҳавзаи илмия ва ҷомеаи исломӣ аст. Шумо барои шиаиён ва мардуми Ироқ чун падаре меҳрубон ва дилсӯз ҳастед; иншоаллоҳ сояи шумо бар сари уммат ҳамеша боқӣ бимонад.»
Ишон бо ишора ба нақши барҷастаи марҷият дар кишвари Ироқ афзуд: «Ҳузатилмияи Наҷаф, чи ба восита ва чи бидуни восита, маншаи баракоти зиёде барои ҷаҳони Ислом будааст ва ҳаст. Нақши шумо дар ҳифзи низоми иҷтимоӣ ва муқобила бо ҷараёнҳои такфирӣ чун ДИИШ, нақше таърихӣ ва ҷовидона аст.»
Оятуллоҳ Ҷаводии Омулӣ ҳамчунин аз хадамоти арзандаи Оятуллоҳ Систонӣ ба ҳавзаи илмия, чи дар дохили Ироқ ва чи берун аз он, қадрдонӣ ва бар таҳкими иртиботи бештари миёни ҳузатилмияҳо таъкид кард.
https://iqna.ir/00Hxy2
