Боздошти сиёсатмадори тавҳингар дар Италия барои тавҳини ба Қуръон
Ба гузориши ИКНА ба нақл аз вебгоҳи SWED24, расонаҳои даниявӣ рӯзи панҷшанбе гузориш доданд, ки мақомот итолиёӣ аз вуруди Расмус Палудан, сиёсатмадори дутабъаи даниявӣ-суэдӣ ва раҳбари ҳизби ростгарои тундрави «Страм курс» (Kurs Stram)، ҷилавгирӣ карда, ӯро фавран пас аз фуруд омадан дар фурудгоҳи Малпенса боздошт намуданд.
Ларс Эришсен, котиби шахсии Палудан, ин хабарро таъйид карда, ба рӯзномаи Politiken гуфт: «Кумитаи истиқбол, ки иборат аз пулис ва мошинҳои амниятӣ буд, дар фурудгоҳ мунтазир буд ва аз мусофирон хоста шуд, то дар ҷойи худ бимонанд.»
Ба гуфтаи Эришсен, мақомот ба Палудан иттилоъ доданд, ки ӯ муваззаф аст ангуштнигорӣ ва акс бигиранд ва ба ӯ гуфта шуд, ки сарпечӣ аз ин кор ҷурм ҳисоб мешавад.
Палудан ва дастааш ҳанӯз дар интизори вазҳи расмии катбӣ дар бораи сабаби манъи вуруд ба Италия ҳастанд. Ин дар ҳоле аст ки қаблан эълом карда буд, ки бо ҳадафи ширкат дар як конфронс дар бораи мавзӯи «муҳоҷирати мутақобил» ба Италия сафар мекунад — истилоҳе, ки гурӯҳҳои ростгарои ифротӣ барои ишора ба ихроҷи муҳоҷирон аз Аврупо истифода мекунанд.
Расмус Палудан, раҳбари ҳизби тундрави «Страм курс», ду табаъа (суэдӣ ва даниявӣ) дошта, бо рафторҳои таҳрикдиҳанда, сӯзондани такрории Қуръони Карим дар роҳравҳо ва ҷамъиятҳо дар кишварҳои Скандинавия маъруф аст. Амалҳои ӯ боиси хашм, эътироз ва маҳкумияти фарогир дар ҷаҳони Ислом ва берун аз он гардидаанд.
