Тақдир аз беҳтаринҳои мусобиқоти байналмилалии Қуръон дар Хорватия
Ба гузориши ИКНА ба нақл аз qna.org.qa, кишвари Қатар дар ин давраи мусобиқот, ки ба ташаббуси Машихати исломии Хорватия (идораи умури мусалмонон) баргузор шуд, иштирок дошт. Сайид Муҳаммад Аҳмад ал-Ҳарам намояндаи Қатар дар риштаи ҳифзи кулли Қуръон дар ин рақобатҳо буд.
Маркази фарҳангии исломии шаҳри Ребика, ки беш аз даҳ сол қабл бо ҳимояти Қатар ифтитоҳ шудааст, мизбони ин мусобиқот буд. Ҳамчунин Сайид Юсуф Ҳасани Ҳамодӣ, довари қатарӣ, дар ҳайати доварони мусобиқот бар раванди иҷрои он назорат дошт.
Дар фазои пур аз маънавият, 20 кишвар аз Аврупо, Осиё ва Африқо дар ин мусобиқоти қуръонӣ иштирок карданд. Ин рӯйдод як минбари ҷаҳонӣ барои гирдиҳамоии ҳофизон ва мубодилаи таҷрибаҳо дар бахшҳои ҳифз ва таҷвиди Қуръон маҳсуб мешавад.
Кишварҳои ширкаткунанда иборат буданд аз: Хорватия, Қатар, Босния ва Ҳерсеговина, Македониёи Шимолӣ, Сербия, Алҷазоир, Туркия, Гвинея, Шветсия, Бангладеш, Лубнон, Тунис, Финландия, Покистон, Олмон, Белгия, Испания, Албания, Англия ва Косово.
Ин мусобиқоти байналмилалӣ вижаи ҳофизони синни болои 35 сол буд. Дар поёни рақобатҳо,
- Муҳаммад Абдӣ аз Шветсия мақоми аввалро ба даст овард, Усмон Нажда аз Лубнон дуввум шуд ва Борӣ Сулаймон Абӯбакр аз Гвинея ҷойи сеюмро касб кард.
Бар асоси ин гузориш, мусобиқоти «Насли Қуръонӣ» низ вижаи кӯдакон ва наврасон бо ширкати 300 донишомӯз аз шаҳрҳои мухталифи Хорватия баргузор шуд.
Ин рақобат бо истиқбол ва таваҷҷуҳи хосси хонаводаҳо ва ҷомеаи маҳаллӣ рӯбарӯ гардид. Барномаҳои он иборат буданд аз:
- қироатҳои қуръонӣ, сурудҳои динӣ ва фаъолиятҳои омӯзишӣ ва тарбиявӣ.
https://iqna.ir/fa/news/4283870
