Истиқболи гарм аз мусобиқоти Қуръонии зоирони ҳаҷ дар Масҷидулҳаром + акс
Ба гузориши ИКНА ба нақл аз Пресс-Би, ин мусобиқот аз рӯзи ҷумъа, дар Масҷидулҳаром оғоз шуда ва нахустин рақобатҳои қуръонии зоирон дар мавсими ҳаҷ ба шумор меравад.
Ин мусобиқот бо истиқболи густардаи зоирон рӯбарӯ шудааст ва беш аз ҳазор ширкаткунанда дар он ҳузур пайдо кардаанд.
Тақвияти иртиботи зоирон бо Қуръон, таблиғ ва интишори паём ва омӯзаҳои қуръонӣ, ва фараҳамсозии муҳити омӯзишӣ ва маънавии қуръонӣ барои меҳмонони хонаи Худо дар Масҷидулҳаром аз аҳдофи баргузории ин мусобиқот эълом шудааст.
Ҳифзи кулли Қуръон, ҳифзи нисфи Қуръон, омӯзиш ва тиловати китоби Худо аз бахшҳои мухталифи ин мусобиқот ба шумор мераванд ва рақобатҳо ҳамчунон идома доранд.
Ҳамчунин, ин рӯйдоди қуръонӣ бо ҳадафи шиносоӣ ва қадрдонӣ аз зоирони барҷаста дар бахшҳои тиловат ва ҳифзи Қуръон, инчунин тақвияти таъсири Қуръон дар ин сафари маънавӣ, барпо гардидааст.
