Шайх Наъим Қосим: Андешаҳои Имом Хумайнӣ(рҳ) чароғи роҳи муқовимат аст
Ба гузориши ИКНА ба нақл аз Ал-Манор, Шайх Наъим Қосим дар ин баёния зикр кардааст: «Андешаи Имоми Хумайнӣ(рҳ) бо тамоми қудрат дар саҳна ҳузур дорад ва уммати Исломӣ шоҳиди нури Исломи ноби Муҳаммадӣ(с) аст, ки эшон тавассути барномаи инқилобии худ онро мунташир кард.»
Вай таъкид кард: «Имоми Раҳил арзишҳои илоҳӣ ва имониро дар ҷомеа таҷассум бахшид ва ин арзишҳо ҳамчунон чароғи роҳи муқовимат ва ҷунбишҳои озодихоҳ дар минтақа боқӣ мондаанд.»
Шайх Наъим Қосим инчунин гуфт: «Имом Хумайнӣ(рҳ) бо зулму ишғолгарӣ ва пайравии кӯркӯрона муқовимат кард ва алайҳи он мубориза бурд. Пас аз комёбиҳо ва дастовардҳои он раҳбари илоҳӣ, ки Эронро аз низоми шоҳаншоҳии зери ҳимояти Амрико ба Ҷумҳурии Исломии мустақил ва сарфароз табдил дод, мо имрӯз бо умеди пирӯзии ҳақ бар ботил зиндагӣ мекунем.»
Вай дар идома, нақши калидии Ҷумҳурии Исломии Эронро дар ҳимоят аз уммати Исломӣ, ба вижа дар масъалаи Фаластин, таъкид кард ва гуфт: «Ҷумҳурии Исломии Эрон бо раҳбарии Имом Хумайнӣ(рҳ) бо иродаи қавӣ дар канори муқовимат барои озодии Фаластин ва Қудси шариф қарор гирифт.»
Ин баёния бозгӯи таъсири амиқи мактаби Имом Хумайнӣ(рҳ) дар ташаккул ва ҳимоят аз ҷунбишҳои муқовимат дар ҷаҳони Ислом ва муқобила бо зулму истибдод мебошад.
