Оғози даври чоруми мусобиқоти байналмилалии ҷоизаи Карбало + акс
Ба гузориши ИКНА аз Карбало, Дорулқуръони Карим дар остонаи муқаддаси Имом Ҳусайн (а) рӯзи шанбе, 14 июни 2025, фаъолиятҳои нахустини даври чоруми ҷоизаи байналмилалии Карбало дар бахшҳои тиловат, ҳифз ва тафсири Қуръонро дар рвоқҳои ҳароми муқаддаси Имом Ҳусайн (а) оғоз кард.
Висом Назир ад-Далфӣ, раиси маркази расонаии қуръонӣ гуфт: бо ҳузури устод Ҳасан Рашид ал-Убайчӣ, дабири кулли остонаи муқаддаси Имом Ҳусайн (а), бархе аз раҳбарони идораҳои остона, шахсиятҳои мазҳабӣ аз ҳавзаи илмия, устодони донишгоҳҳо ва намояндагони кишварҳои ширкаткунанда дар ин мусобиқот, маросими ифтитоҳ расман баргузор гардид.
Далфӣ шарҳ дод, ки маросими ифтитоҳ иборат буд аз:
· Тиловати Қуръон аз ҷониби қории маъруфи атбои Ҳусайнӣ ва Аббосӣ, Ҳоҷӣ Усома ал-Карбалоӣ;
· Суханронӣ аз сӯи Сайид Рашид ал-Ҳусайнӣ, устоди ҳавзаи илмия;
· Суханронӣ аз ҷониби Шайх доктор Муҳаммад ан-Нурӣ, муовини раиси Шӯрои уламоёни “Работи Муҳаммадӣ”;
· Ва суханронии Шайх доктор Хайриддин Алӣ ал-Ҳодӣ, раиси Дорулқуръони Карим.
Инчунин, ба гуфтаи вай, дар ин маросим шоир ва муаррих Алӣ ас-Саффор бо шеъре адабӣ оғози мусобиқотро баён кард ва гурӯҳи мусиқии ҷавонони Сағалайн — вобаста ба дафтари Дорулқуръони Карим дар вилояти Басра (шаҳри Қурна) — барои ғанӣсозии фазои маънавии қуръонӣ ҳузур пайдо карданд.
Ин маросим шоҳиди ҳузури густарда ва равшани: Қориён ва ҳофизони Қуръон, алоқамандон ба тафсири Қуръон, шахсиятҳои илмӣ ва донишгоҳӣ, шумори зиёди зоирони Имом Ҳусайн (а) ва намояндагони атаботи олия ва маконҳои муқаддас буд.
