Ироқ барои иҷрои нақшаи махсуси зиёрати Арбаин омода шуд

Абдул-Амир Шамарӣ, вазири корҳои дохилии Ироқ ва раиси Кумитаи амниятии зиёратҳои бузург, аз омодагии комили нақшаи махсус барои зиёрати Арбаини имом Ҳусайн (а) хабар дод.

Ба гузориши ИКНО, ба нақл аз Мидл Ист Нюз, нишасти муҳими фармондеҳони баландпояи амниятии Ироқ дар қароргоҳи фармондеҳии ситоди амалиёти Бағдод баргузор шуд.

Мавзӯи аслии нишаст, баррасии ҷузъиёти нақшаи ҳамоҳангсозӣ ва идораи ҳаракат барои зиёрати миллионии Арбаин буд.

Вазири корҳои дохилӣ гуфт:

«Нақшаи роҳнамоӣ ва ҳаракат (транспорт) бояд ба шакли мутахассисона ва касбӣ амалӣ шавад, ва миёни ниҳодҳои амниятӣ ҳамоҳангии комил таъмин гардад.»

Шамарӣ эълон кард:

Аз рӯзи аввали моҳи Сафар, тамоми қисмҳои амниятӣ ва низомӣ иҷрои ин нақшаи муназзамро оғоз мекунанд.

Ба гуфтаи ӯ, омодагиҳо дар Бағдод низ анҷом ёфтаанд, ва нақшаи амал дар чанд самт иҷро хоҳад шуд:

Танзими муназзами ҳузури "мавокиби ҳусайнӣ" (чодарҳои хидматрасонӣ ба зоирин)

Манъи ҳаракати мошинҳо дар масирҳои пиёдагардии зоирин

Ҷилавгирӣ аз бесарусомонӣ дар майдонҳои нақлиёт

Танзими дурусти минтақаҳои махсус барои ҳаракати зоирин

Коҳиши хатари садамаҳои нақлиётӣ ва таъмини амнияти роҳҳо

4295900