Баргузории маҳфилҳои Қуръонии Ошуро дар вилояти Бобули Ироқ + Акс

Маҷмааи илмии Қуръони Карим, ки вобаста ба Ҳарими муқаддаси Аббосӣ аст, дар чорчӯби барномаҳои ҳамасолаи худ барои эҳё кардани рӯзҳои муҳаррам ва густариши фарҳанги Қуръонӣ дар ҷомеа, як қатор нишастҳои Қуръонии ошуроиро дар чандин маҳалли вилояти Бобул баргузор кард.

Ба гузориши Иқно ба нақл аз ал-Кафил, Сайид Мунтазир Машойихӣ, мудири Пажӯҳишгоҳи Қуръон дар вилояти Бобули Ироқ, бо тасдиқи ин хабар гуфт:
"Ин муассиса бо нақшаи дақиқ, як силсила маҳфилҳои Қуръониро дар гӯшаву канори вилояти Бобул баргузор кард. Барои баргузории ин нишастҳо, толоре бо тамоми шароити лозимӣ ва фароҳамсозии роҳат барои иштирокчиён омода карда шуд."

Ӯ илова кард:
"Ин маҳфилҳо дар давоми ҳафт шаб баргузор мешаванд. Дар онҳо мавзӯъҳои гуногун дар бораи Қуръон ва масоили фикрӣ бо ширкати устодони ҳузароти динӣ муҳокима ва баррасӣ мегардад. Ҳамзамон бо ин, маросимҳои азодории Имом Ҳусайн (а) ва хондани Қуръон бо нияти бахшидани савоб ба рӯҳи Имом Ҳусайн ва ҳазрати Абулфазл (а) низ дар чорчӯби ҳамин барномаҳо ҷой дода шудаанд."

Ин маҷмӯи барномаҳо як бахше аз фаъолиятҳои густурдаи Маҷмааи илмии Қуръони Карим дар моҳи муҳаррам ба шумор меравад, ки бо ҳадафи баланд бардоштани маърифати диниву фарҳангӣ дар ҷомеа роҳандозӣ шудаанд.

 

4296233