Дархости Иттиҳоди Уламои Мусулмони Ҷаҳон аз “Алазҳар” барои содир кардани фатво ба тарафдорӣ аз Фаластин

Раис ва дабири кулли Иттиҳоди уламои мусалмонони ҷаҳон, бо қадрдонӣ аз мавқеи Ал-Азҳар дар пуштибонӣ аз мардуми Фаластин, хостори содир шудани фатвои расмӣ ба нафъи Фаластин шуданд.

Ба гузориши Иқно, ба нақл аз “Анатолӣ”, Алии ҚарраДоғӣ, раиси Иттиҳод, ва Алии Саллобӣ, дабири кулли он, дар як номаи кушода ба Шайх Аҳмад Тайиб, раиси Ал-Азҳар, аз мавқеи ҷасурона ва рӯшанаш нисбат ба таҷовузи режими саҳюнистӣ алайҳи миллати Фаластин изҳори қадрдонӣ карданд.

Онҳо таъкид карданд:
“Ал-Азҳар як маркази таърихии ҳимояти мазлумон аст ва нақши пешсаф дар муқовимат бо ишғол ва мустамликагарии Исроил доштааст.”

Дар ин нома, Иттиҳод хоҳони содир шудани як фатвои рӯшан ва расмӣ шуд, ки дар он:

Ҳимоят аз Ғазза

Бардоштани муҳосира

Осон кардани ирсоли кумакҳои башардӯстона

воҷибаи динӣ, ахлоқӣ ва инсонӣ дониста шавад.

Иттиҳод изҳор дошт:
“Умед дорем, ки Ал-Азҳар мавқеи устувору ҷиддӣ дар шикастани муҳосира ва қатъи таҷовузи Исроил алайҳи Ғазза бигирад. Ва ба онҳое, ки нисбат ба мазлумон бетафовутанд, бояд ҳушдор дод, ки хашми Худо онҳоро фаро хоҳад гирифт.”

Ҳамчунин, ҳафтаи гузашта, Шайх Алии Муҳйиддин ҚарраДоғӣ, раиси Иттиҳод, дар як баёнияи расмӣ, пуштибонии худро аз мардуми Ғазза эълон кард ва гуфт:
“Хуни кӯдакон, занон ва мардони Фаластин дар гардани тамоми уммати Ислом аст.”

4296502