Намоишгоҳи хаттотии осори Қуръонӣ дар Бишкек барпо шуд
Сафорати Арабистони Саудӣ дар Ҷумҳурии Қирғизистон 5-ум ва 6-уми сентябр дар Осорхонаи миллии таърихии Бишкек — пойтахти Қирғизистон, як намоишгоҳи осори хаттотии Қуръонӣ ва исломӣ ташкил кард.
Дар ин намоишгоҳ, ки ба нақли хабаргузории ИҚНО аз ВАС гузориш дода шудааст, намунаҳои гуногуни хатҳои зебои арабӣ бо як муаррифии кӯтоҳ аз ҳар кадом ба тамошо гузошта шуданд.
Инчунин, як филми мустанад намоиш дода шуд ва як хаттоти касбӣ дар назди тамошобинон ба таври зинда оятҳо аз Қуръон ва ҳадисҳоро бо сабкҳои гуногун менавишт.
Намоишгоҳ бо истиқболи васеъ рӯ ба рӯ шуд. Аз ҷумла, муовини вазири корҳои хориҷии Қирғизистон, аъзои порлумон, роҳбарони ҳайатҳои дипломатӣ ва созмонҳои байналмилалӣ, намояндагони расонаҳо, шаҳрвандони Арабистони муқими Бишкек ва меҳмонони осорхона дар он иштирок карданд.
4302656