Намоишгоҳи “Чиҳил Ҳадис” ба муносибати мавлуди Паёмбар (с) дар Ҳирот баргузор шуд

Дар шаҳри Ҳирот, донишҷӯёни факултаи санъати зебои Донишгоҳи Ҳирот осори худро дар як намоишгоҳи хаттотӣ бо номи “Чиҳил Ҳадис”, ба муносибати мавлуди Паёмбари акрам (с) ва ҳафтаи ваҳдат, ба маърази тамошо гузоштанд.

Ба нақл аз jomhornews, ин намоишгоҳ ба омӯзишҳои Паёмбари Ислом (с) бахшида шуда, як намунаи равшане аз пайванди санъат ва маънавият аст.

Раиси факултаи санъати зебо Тавфиқ Раҳмонӣ, дар шарҳи ин намоишгоҳ гуфт, ки мақсад аз баргузор кардани он, интиқоли паёмҳои ахлоқӣ ва динии Ислом ба ҷомеа тавассути забони санъат мебошад.

Ӯ афзуд:

“Донишҷӯён бо офаридани осори эҷодии худ кӯшиш карданд, то зебоӣ ва маънавияти ҳадисҳоро бо забони санъат баён кунанд.”

Ҳамзамон, Ҳамидуллоҳи Ғиёсӣ масъули бахши фарҳанги Идораи иттилоот ва фарҳанги толибон дар Ҳирот, аз ҳимояти идораҳои фарҳангӣ аз ҳунармандон, хусусан хаттотон, ёдовар шуда, таъкид кард, ки ин гуна ҳамкориҳо идома хоҳанд ёфт.

Дар қисмати дигари маросим, олимон ва коршиносони исломӣ ба аҳамияти ваҳдат миёни мусалмонон ва пайравӣ аз Қуръон ва суннати Паёмбар (с) таъкид карданд.

Намоишгоҳи “Чиҳил Ҳадис” на танҳо як фурсати намоиш додани маҳорати ҳунарии донишҷӯён буд, балки як рамзи пайванди санъат бо маънавият ва ҳамдигарфаҳмии ҷомеаи исломии Ҳирот ба шумор мерафт.

4303414