Ба гузориши ИҚНО бо такя ба «Аль-Йоум ас-Саабе», ин маросим бо ҳузури мақомотҳои динии Миср, аз ҷумла Муҳаммад Айод — муфтии кишвар; Али Ҷаъфар — узви Шӯрои олимони олӣ дар Ал-Азҳар; ва Муҳаммад Абдулдайм ал-Ҷандӣ — котиби кулли Маҷмаи таҳқиқоти исломии Ал-Азҳар баргузор гардид ва бо истиқболи гарми мардум рӯбарӯ шуд.

Шӯрои олии тариқатҳои суфӣ дар Миср масъули баргузории ин маросим буд ва он бо суханронӣ ва мадҳиясароии хоса ба муносибати Мавлуди Пайғамбар (с) ҳамроҳ буд.

Иштироккунандагон, ки аксаран сӯфиёни мисрӣ буданд ва либоси сафед ба бар доштанд, бо изҳори муҳаббат ва эҳтироми бузург нисбати паёмбари муқаддас, рӯзи Мавлуди ӯро, ки ёдоварӣ аз арзишҳои исломӣ мебошад, гиромӣ доштанд.

Абдулҳодӣ ал-Касбӣ, раиси Шӯрои олии тариқатҳои суфӣ дар Миср дар ин бора гуфт: Ҷашни Мавлуди Пайғамбар (с) дар масҷиди Имоми Ҳусайн (а) пас аз мувофиқаи комил бо Ахмад ал-Таййиб — Шайхул-азҳар, вазири ваколатҳои динӣ ва муфтии Миср баргузор гардид.

Гуфтанист, моҳи Рабиул-аввал бо рӯзҳои Мавлуди Пайғамбар (с) мувофиқ аст ва мусалмонон дар ин мавсим кӯшиш мекунанд, ки бо пайравӣ аз ахлоқ ва суннати набавӣ, маъноҳои ваҳдат ва ҳамбастагиро тақвият диҳанд ва бештар аз пеш бо роҳи суннати паёмбарӣ дар густариши сулҳ ва рафоқат миёни мардум равона шаванд.

Шумораи боздидҳо : 1

код

Зеркашӣ кунед

Main movie

<div id="video-display-embed-code_17758"><script type="text/JavaScript" src="https://iqna.ir/tj/news/play/embed/3822/17758?width=400&height=300"></script></div>

4303566