Созмони Милали Муттаҳид ҳамлаи Исроил ба Қатарро маҳкум кард
Ба гузориши Шафақ нюс, аъзои Шӯрои амният рӯзи гузашта ҳамлаҳои охири режими саҳюнистӣ ба шаҳри Доҳа — пойтахти Қатарро маҳкум карданд ва хостори поён ёфтани танишҳо дар минтақа шуданд.
Дар баёнияи расмии Шӯрои амният, аъзо аз кушта шудани ғайринизомиҳо дар ин ҳамлаҳо изҳори андуҳи амиқ кардаанд.
Ҳамчунин дар ин баёния ба зарурати коҳиш додани танишҳо ва ҳимоят аз соҳибихтиёрии Қатар таъкид шудааст.
Дар охири баёния, аъзои Шӯро бори дигар аз нақши муҳими Қатар дар музокирот ва миёнаравиҳо дар минтақа пуштибонӣ карданд.
Рӯзи сешанбе, 9-уми сентябр (баробар ба 18-уми Шаҳривар), режими саҳюнистӣ бори аввал ба идораҳои роҳбарони ҳаракати Ҳамос дар Доҳа ҳамла кард — иқдоме, ки дар сатҳи минтақавӣ ва байналмилалӣ вокунишҳои зиёдеро ба бор овард.
Мақомдорони Қатар ин ҳамларо нақзи рӯирости қонунҳои байналмилалӣ ва як амали террористӣ хонданд. Бисёр кишварҳои минтақа низ онро ба шиддат маҳкум карданд.
4304555
