Тадохули режими саҳюнистӣ ба Қатар — як бахши тарҳи “Исроили бузург” аст
Ба гузориши ал-Маядин, рӯзи чоршанбе, 19-уми Шаҳривар (баробар бо 10-уми сентябр), шайх Наъим Қосим дар маросиме ба муносибати зодрӯзи Паёмбари Акрам (с) ва Имоми Ҷаъфари Содиқ (а) гуфт:
«Ҷумҳурии Исломии Эрон ҳамеша аз мардуми Фаластин ва муқовимати онҳо дифоъ мекунад, ва ин масъала, яке аз меҳварҳои асосии иттиҳоди мусалмонон ба шумор меравад.»
Вай афзуд: «Барои он ки миёни мусалмонон дар бораи рӯзи таваллуди Паёмбар ихтилофе намонад, Имом Хумайнӣ (раҳ) дастур дод як ҳафтаро бо номи "Ҳафтаи Ваҳдати Исломӣ" номгузорӣ кунанд, то ин ихтилоф ба василаи наздикшавӣ табдил шавад.»
Шайх Наъим Қосим бо таъкид бар зарурати дифоъ аз мардуми Ғазза ва Каронаи Ғарбӣ дар баробари ҳамлаҳои золимонаи Исроилу Амрико гуфт:
«Қазияи Фаластин муҳимтарин масъалаи умуми исломист ва мо ҳамеша дар паҳлӯи он истодаем ва дар ин роҳ қурбонӣ додаем.»
Ӯ дар идома гуфт: «Мо дар паҳлӯи Қатар низ меистем ва ин ҳамла танҳо як амали тасодуфӣ нест — балки бахше ҷудонопазир аз тарҳи "Исроили бузург" аст.»
Ба гуфтаи вай: «Душман аллакай ду сол мешавад, ки тарҳи “Исроили бузург”-ро қадам ба қадам дар Ғазза ва Каронаи Ғарбӣ пеш мебарад. Ҳамла ба Қатар низ дар ҳамин чорчӯба аст — тарҳе ки аз Нил то Фуратро дар бар мегирад.»
Котиби кулли Ҳизбуллоҳи Лубнон ҳамчунин ба мардуми Яман барои далерӣ ва пуштибонӣ аз мардуми Фаластин эҳтиром гузошт ва гуфт:
«Ба миллати бузург ва шуҷои Яман салом ва эҳтироми махсус мерасонам — онҳо, бо вуҷуди фишорҳо, дар паҳлӯи Фаластин истодаанд ва бо амал нишон медиҳанд, ки ваҳдати мусалмонон як воқеият аст.»
4304453
