Баргузории аввалин намоишгоҳи гардишгарии ҳалол дар Малайзия
Ба гузориши ИҚНО ба нақл аз travelweekly, намоишгоҳи мазкур бо номи “MFTF” (Muslim-Friendly Tourism Fair) рӯзҳои 18 ва 19 октябр (26 ва 27 меҳр) дар Маркази тиҷорати ҷаҳонии Куала Лумпур баргузор мешавад.
MATTA эълон кард, ки ин иқдом як қадами муҳими навоварона ва фарогирона дар саноати саёҳат аст ва бахши гардишгарии ҳалол, ки дар ҷаҳон рӯ ба рушд аст, дар меҳвари ин намоишгоҳ қарор дорад.
115 гӯша (бӯт) ва таҷрибаи хоси сафар барои ҳама
Дар ин намоишгоҳ 115 гӯша (бӯт) аз тарафи агентии саёҳати бо иҷозатнома ва дигар фаъолони соҳаи гардишгарӣ ташкил хоҳад шуд.
MATTA таъкид кард, ки ин рӯйдод як таҷрибаи ҳадафманд ва мутамарказ барои тамоми мусофирон хоҳад буд — махсусан онҳое, ки ба маконҳо, маҳсулот ва хизматрасониҳое таваҷҷӯҳ доранд, ки бо арзишҳои исломӣ мувофиқанд.
Аммо, ин намоишгоҳ фақат барои мусалмонон нест — балки барои ҳар касе аст, ки саёҳатро бо эҳтиром ба фарҳанг, оиладорӣ ва дастрасӣ мехоҳад.
Шарикон ва ҳадафи асосии намоишгоҳ
Шарикони расмии ин намоишгоҳ:
Бонки RHB Берхад
Маркази гардишгарии исломӣ
Ширкати саёҳатии Hwajing
Фозил Хон, масъули баргузории намоишгоҳ, гуфт:
«MATTA хуб медонад, ки мусофирони мусалмон дар ёфтани маконҳое ки ғизои ҳалол, имкони намозгузорӣ ва сафарҳои оилавиро таъмин мекунанд, бо душвориҳо рӯбарӯ ҳастанд. Ҳадафи мо аз ин намоишгоҳ, кам кардани ҳамин фосила аст.»
Вай афзуд:
«Мо инчунин хушҳолем, ки бо агентии боэътимод ҳамкорӣ дорем, ки бастаи сафарҳои Ҳаҷ ва Умра пешниҳод мекунанд. Ин барои мусофирон имкон медиҳад, ки бо оромии дил фароизи динии худро анҷом диҳанд.»
Замони баргузорӣ
Намоишгоҳ барои оммаи мардум рӯзи шанбе ва якшанбе, 18 ва 19 октябр, аз соати 10:00 субҳ то 21:00 шаб боз хоҳад буд.
Малайзия — кишвари пешсаф дар гардишгарии мусалмонӣ
Соли ҷорӣ, дар шохиси ҷаҳонии гардишгарии мусалмонон (Mastercard-CrescentRating), Малайзия бо гирифтани 79 имтиёз, ба ҷои аввал баргашт ва танҳо дар сари феҳрист қарор гирифт.
4307746
