Омодагии 8 ҳазор омӯзгор барои аз нав оғоз кардани кори мактабҳо дар Ғазза

Созмони “UNRWA” — Оҷонсии кӯмак ва корҷӯӣ барои паноҳандагони фаластинӣ — эълон кард, ки беш аз 8 ҳазор омӯзгор омодаанд ба кӯдакон дар роҳи бозгашт ба таҳсил ва азсаргирии кори мактабҳо дар навори Ғазза кӯмак кунанд.

Ба гузориши ИҚНО, нақл аз “Ал-Арабиа”, ин оҷонс рӯзи шанбе дар як изҳороти расмӣ гуфт: “UNRWA бузургтарин ташкилоти башардӯстона дар навори Ғазза мебошад ва бояд бидуни монеа иҷозати фаъолият дошта бошад.”

Ин созмон таъкид кард, ки кӯдакони Ғазза барои муддати хеле тӯлонӣ аз таҳсил маҳрум мондаанд.

Ҷанги режими саҳюнистӣ алайҳи Ғазза боиси шаҳодати тақрибан 68 ҳазор нафар шудааст. Ҳамлаҳои пайдарпайи Исроил тақрибан тамоми зерсохторҳо ва мактабҳоро вайрон карда, дар натиҷа, донишомӯзон наздики ду сол натавонистанд ба мактаб раванд.

4311359