Афзоиши нафратпароканӣ бар зидди мусалмонон дар платформаи X
Тибқи гузориши ИҚНО ба нақл аз Кувейт Нюз, платформаи X (ки пештар Twitter ном дошт), ахиран шоҳиди афзоиши муҳтавоҳои зидди исломӣ мебошад. Ин вазъият, хусусан бо муаррифии хусусияти "намоиш додани кишвар" дар паҳлуи номҳои корбарон, ташдид шудааст.
Ин хусусият, таснифи ҳисоби корбаронро осонтар кардааст ва натанҳо имкон медиҳад, ки ҳадафгирӣ бар асоси шиносоии мазҳабӣ ва ҷуғрофӣ амалӣ шавад, балки муҳтавоҳои носазо осонтар дар дастрасии қарор мегиранд.
Маълумот ва тадқиқотҳо тафовути амиқро дар манобеи нафрат дар фазои маҷозӣ нишон додаанд, ба тавре ки баъзе кишварҳо дар сафи пеш қарор доранд.
Ҳинд дар пешсафии ин феҳрист қарор дорад ва беш аз нисфи муҳтавоҳои таҳқиромез дар саросари ҷаҳонро ба худ ҷалб кардааст. Тадқиқоте, ки аз ҷониби Шӯрои Исломии Виктория нашр шудааст, ҳақиқати шоккунандае ворид мекунад: беш аз 50 фоизи паёмҳои зидди исломӣ дар платформаи X дар давраи 2017-2019 аз Ҳинд маншаъ гирифтаанд.
Ҳамин тадқиқот нишон дод, ки ИМА бо тақрибан 28 фоизи мундариҷаҳои зидди исломӣ дар саросари ҷаҳон, дар мақоми дувум қарор гирифтааст.
Британия бо тақрибан 8 фоизи муҳтавои дар асоси нафратпароканӣ дар ин платформа, дар мақоми сеюми глобалӣ қарор гирифт. Ҳамзамон, маълумотҳои ҳукумати Британия нишон медиҳад, ки ҷиноятҳои марбут ба нафрат бар зидди мусалмонон афзоиши назаррасеро нишон додааст. Ин шумора дар як сол 19 фоиз зиёд шуда, аз 2690 маврид ба 3199 мавриди сабтшуда то март 2025 расидааст.
Гузоришҳое, ки Reuters дар бораи Ҳинд нашр кардааст, нишон медиҳад, ки дар соли 2024, нафратпаракнӣ бар зидди ақлиятҳо, бахусус мусалмонон, нисбат ба соли гузашта 74 фоиз зиёд шудааст, дар ҳоле ки фазои сиёсӣ дар ин кишвар дар ин муддат ногувор ва танишнок будааст.
Аврупо низ аз ин мавҷи нафратпароканӣ дар амон намондааст; Маркази гуфтугӯи стратегӣ (ISD) афзоиши назаррас дар назарияҳои зидди мусалмононро сабт кардааст. Ин назарияҳо танҳо дар тӯли чанд рӯз, зери таъсири рӯйдодҳои Ховари Миёна, 422 фоиз афзоиш ёфтаанд.
4319378
