Идомаи вокунишҳои байналмилалӣ ба таҷовузи Амрико алайҳи Венесуэла

Ҳамлаи низомии Иёлоти Муттаҳидаи Амрико ба Венесуэла ва бомбаборони минтақаҳое аз ин кишвар, ки боиси рабуда шудани Николас Мадуро, президенти Венесуэла ва ҳамсараш гардид, бо маҳкумияти байналмилалӣ аз сӯи кишварҳо рӯ ба рӯ шуд. Дар ҳамин ҳол, режими саҳюнистӣ натавонист шодмонии худро аз ин таҷовузи амрикоӣ пинҳон кунад.

Ба гузориши ИҚНО ба нақл аз Алҷазира, бархе аз намояндагони Конгресси Амрико мухолифати худро бо иқдоми низомии Трамп дар Венесуэла эълон карданд.

Ҷек Рид, сенатори демократ ва муовини раиси Кумитаи нерӯҳои мусаллаҳи Сенати Амрико, изҳор дошт: Трамп бидуни иҷоза ҷангеро алайҳи як кишвари хориҷӣ оғоз кардааст.

Ӯ афзуд: Он чӣ рух дод, нақзи ошкори Қонуни асосӣ буд, зеро танҳо Конгресс ҳаққи эълони ҷангро дорад, на президент.

Камала Ҳаррис: ҷони сарбозони амрикоӣ дар хатар аст

Дар ҳамин замина, Камала Ҳаррис, муовини собиқи президенти Амрико, бо ишора ба он ки иқдомҳои Доналд Трамп дар ҳамла ба Венесуэла ҳеҷ гуна асоси қонунӣ ё манфиати дохилӣ барои Иёлоти Муттаҳида надорад, гуфт: Давлати Трамп барои поён додан ба дахолат дар Венесуэла ё бозгардондани нерӯҳо ҳеҷ нақшаи мушаххасе пешниҳод накардааст ва ин масъала метавонад Амрикоро ба буҳрони тӯлонӣ ва пурхароҷот гирифтор кунад.

Гутерриш: таҳаввулоти Венесуэла як суннати хатарнок аст

Антониу Гутерриш, дабири кулли Созмони Милали Муттаҳид, аз ҳамаи тарафҳо дар Венесуэла хост, ки вориди гуфтугӯи фарогир шаванд ва ба ҳуқуқи башар ва ҳокимияти қонун эҳтиром гузоранд.

Ӯ нисбат ба шиддат гирифтани танишҳо дар Венесуэла ва рабуда шудани Николас Мадуро, президенти ин кишвар, изҳори нигаронӣ кард.

Бразилия: қонуни зӯр бар чандҷонибагароӣ дар ҷаҳон ғолиб шудааст

Лула да Силва, президенти Бразилия, ҳамла ба Венесуэла ва рабуда шудани Николас Мадуро, президенти ин кишварро гузаштан аз хатҳои сурх эълон кард.

Олмон: чорчӯби қонунӣ барои дахолати Иёлоти Муттаҳида печида аст

Садри аъзами Олмон дар вокуниш ба ҳамлаи Амрико ба Венесуэла гуфт: Николас Мадуро, президенти ин кишвар, Венесуэларо ба сӯи вайронӣ бурдааст ва акнун набояд иҷоза дод, ки бесуботии сиёсӣ густариш ёбад.

Таъкиди Индонезия бар эҳтиром ба усулҳои Оинномаи Созмони Милали Муттаҳид

Ҷунбиши Ҳизбуллоҳ дар баёнияи худ таъкид кард, ки ин ҷунбиш таҷовузи террористӣ ва қулдурмаобонаи Иёлоти Муттаҳидаи Амрикоро алайҳи Ҷумҳурии Венесуэла ва ҳадаф қарор додани Каракас, пойтахти он, таъсисоти ҳаётӣ, ғайринизомиён ва биноҳои истиқоматӣ, ҳамчунин боздошти Николас Мадуро, президенти Венесуэла ва ҳамсарашро, ки нақзи ошкоро ва бесобиқаи ҳокимияти миллии як кишвари мустақил, ҳуқуқи байналмилалӣ ва конвенсияҳои Созмони Милали Муттаҳид бо баҳонаҳои беасос ва дурӯғин мебошад, маҳкум мекунад.

Иттиҳодияи фаластиниёни Амрикои Лотинӣ: «роҳзанӣ ва қулдурии амрикоӣ» маҳкум аст.

4326816