Нақши Аморот дар густариши исломҳаросӣ дар Аврупо
Ба гузориши Икно ба нақл аз «Emirates Leaks», як таҳқиқ додаҳои такондиҳандаеро ошкор кардааст дар бораи он чизе, ки онро «низоми рақамии ҳамоҳангшуда» тавсиф мекунад. Ин низом боиси роҳандозии як маъракаи густарда барои тавлид ва тақвияти гуфтори исломҳаросона алайҳи мусалмонони Аврупо мегардад. Ин низом тавассути як шабакаи азими маҷозӣ фаъолият мекунад, ки гуфта мешавад бо Абузабӣ иртибот дорад ва бо ҳамоҳангии ошкор бо чеҳраҳо, ҳизбҳо ва ҷунбишҳои ростгарои ифротӣ дар Ғарб амал менамояд.
Ин таҳқиқ масъалаи мазкурро дар чорчӯби васеътаре аз як «ҷанги рақамӣ» баррасӣ мекунад, ки фаротар аз нуфузи расонаӣ рафта, ба тағйири шакли гуфтори умумӣ, фишор ба тасмимгирандагон ва дар ниҳоят таъсиргузорӣ бар сиёсатҳо ва иқдомҳои амалӣ доман мезанад.
Нуктаи қобили таваҷҷуҳ ин аст, ки тибқи ин таҳқиқ, исломҳаросӣ дар Аврупо як ҳаракати худҷӯш ё ибрози эҳсосоти умумӣ набуда, балки як маъракаи «низомманд ва барномарезишуда» мебошад. Ин маърака бар тақвияти ҳамоҳанги муҳтаво ва такрори паёмҳои яксон дар қолабҳои гуногун такя дорад ва тасаввури нодурустеро аз вазъи мавҷуд пешниҳод мекунад.
Тибқи ин таҳқиқ, ҳадаф он аст, ки ҳар чизи исломӣ дар Аврупо ба «Ихвон-ул-муслимин» рабт дода шавад ва масҷидҳо ва ниҳодҳои исломӣ ҳамчун «марказҳои ифротгароӣ» ва «таҳдидҳои амниятӣ» ба тасвир кашида шаванд; амре, ки талоше барои машрӯъият бахшидан ба сиёсатҳои саркӯб ва озори мусалмонон дар Аврупо арзёбӣ мешавад.
Ин таҳқиқ ҳамчунин нишон медиҳад, ки ҳамоҳангии қобили мулоҳизае миёни фаъолияти ин шабакаи рақамӣ ва маъракаҳои раҳбаришуда аз сӯи фаъолон ва ҳизбҳои ростгарои ифротӣ дар Аврупо вуҷуд дорад. Ба гунае, ду ҷониб ба таври мутақобил муҳтаворо миёни худ табодул мекарданд: ҳисобҳои вобаста ба ин шабака баёнияҳо ва суханрониҳои ростгароёни ифротиро бузургнамоӣ мекарданд, дар ҳоле ки ин гурӯҳҳо низ ба навбаи худ ҳамон ривоятҳоро дар расонаҳои суннатӣ ва парлумонҳо бозтавлид менамуданд.
Бар асоси ин таҳқиқ, тақрибан 98 дарсад аз муҳтавои нашршуда алайҳи мусалмонон дар Аврупо ҷаълӣ ва сохта будааст. Ин рақам ба равшанӣ нишон медиҳад, ки ончи рӯй медиҳад як баҳси оддии иҷтимоӣ нест, балки равандест барои дасткорӣ намудани афкори умумӣ бо истифода аз абзорҳои рақамии созмонёфта.
4331112
