Тарроҳии барномаи «Қории электронии Қуръон» барои хонандагони Миср
Ба гузориши икно ба нақл аз пойгоҳи хабарии «Ал‑явм ас‑Собеъ», ин барнома бо ҳадафи осон кардани омӯзиши дурусти тиловати Қуръон барои хонандагони синфи шашум ва дар чорчӯби истифода аз технологияҳои нав дар омӯзиши Қуръон таҳия шудааст.
Омодасозии ин лоиҳаро як гурӯҳи мутахассиси бахши барномасозии мактабҳои Ал-Азҳар бар уҳда дошт ва барнома махсус барои осон кардани қироати дурусти Қуръон барои хонандагон таҳия ва инкишоф дода шудааст.
Идораи кулли умури Қуръон дар Ал-Азҳар инчунин бозбинии техникии барномаро анҷом дода, то дақиқ будани тиловат, саломатии мундариҷа ва мувофиқати он бо қоидаҳои таҷвид ва расми хати дурусти қуръонӣ таъмин гардад.
Ин барнома ҳамчун як абзори муассири таълимӣ метавонад дар тақвияти раванди омӯзиши Қуръон дар мактабҳои Ал-Азҳар ва ҳатто берун аз онҳо нақш дошта бошад ва дастрасӣ ба қироати дурусти каломи ваҳйро таъмин намояд.
Ин барнома айни замон дар Google Play дастрас аст ва хонандагон метавонанд онро ба осонӣ боргирӣ карда, аз имконоти он баҳра баранд.
Ин тарҳ дар чорчӯби талоши Ал-Азҳар барои густариши истифода аз технологияҳои нав дар омӯзиши динӣ иҷро шудааст — иқдоме, ки ба таҳкими арзишҳои дурусти исломӣ ва осон кардани ҳифз ва тиловати Қуръон кӯмак мекунад.
https://iqna.ir/fa/news/4344100
