Раиси Маркази миллии улуми Қуръони Ироқ: Ҷанҷоли расонаии «Ал-Афасӣ» аз ифротгароӣ сарчашма мегирад

Рофеъ Ал-Омирӣ, раиси Маркази миллии улуми Қуръони Ироқ, дар вокуниш ба иқдоми ҷанҷолии қории маъруф ва имоми масҷиди бузурги Кувайт алайҳи Эрон гуфт: Таҳрифи Қуръон барои ҳимоят аз ҳамлаи Амрико ба Эрон аз сӯи Мишарӣ Ал-Афасӣ, баргирифта аз эътиқодоти ифротӣ ва фазое аст, ки дар он парвариш ёфтааст.

Мишарӣ Ал-Афасӣ, қории маъруф ва имоми масҷиди бузурги Кувайт, ки аз шӯҳрати худ дар ҷаҳони Ислом ва фазои маҷозӣ сӯиистифода карда ва ба абзоре дар дасти режимҳои ҳоким дар бархе аз кишварҳои арабӣ табдил шудааст, пеш аз ин аз Доналд Трамп хоста буд, ки дарҳои ҷаҳаннамро ба рӯи Эрон боз кунад.

Дар ин росто, икно бо устод Рофеъ Ал-Омирӣ, довар ва қории байналмилалии ироқӣ ва мудири Маркази миллии улуми Қуръон, вобаста ба Идораи авқофи шиаёни Ироқ гуфтугӯе анҷом додааст, ки шарҳи он дар идома меояд:

Икно: Мавзеъгириҳои ахири Мишарӣ Ал-Афасӣ то чӣ ҳад бо ин ҳадиси машҳур, ки «чӣ басо қориёни Қуръоне, ки мавриди лаънати Қуръон қарор мегиранд», ҳамсоӣ дорад?

Ин ҳадис дар бораи ҳар мусалмоне, ки бо як подшоҳи кофир ҳамроҳӣ мекунад ва як кишвари мусалмонро мавриди ҳамла қарор медиҳад, комилан сидқ мекунад. Қуръони Карим моро аз он наҳй карда ва фармудааст:

«یأَيُّهَا الَّذينَ ءامَنوا لا تَتَّخِذُوا اليَهودَ وَالنَّصٰرىٰ أَولِياءَ بَعضُهُم أَولِياءُ بَعضٍ وَمَن يَتَوَلَّهُم مِنكُم فَإِنَّهُ مِنهُم إِنَّ اللَّهَ لا يَهدِى القَومَ »

«Эй аҳли имон! Яҳуд ва насороро сарпарастон ва дӯстони худ магиред, онон сарпарастон ва дӯстони якдигаранд [ва танҳо ба равобити миёни худ вафо доранд]. Ва ҳар кас аз шумо, яҳуд ва насороро сарпараст ва дӯсти худ гирад, аз зумраи онон аст; бетардид Худо гурӯҳи ситамкорро ҳидоят намекунад.» (Ояти 51, сураи Моида).

Андешаҳо ва эътиқодоти манфии ин қории кувайтӣ бар афкори умумии ҷаҳони Ислом таъсири чандоне надорад ва ё таъсири он маҳдуд ба афроде аст, ки дар ифротгароӣ ва навъи тафаккур бо ӯ ҳамроҳ ҳастанд.

Икно: Вазифаи фаъолони Қуръонӣ, қориён, ҳофизон ва мубтаҳилони ҷаҳони Ислом дар баробари ин инҳироф чист?

Бар ҳама воҷиб аст, ки мухолифати худ бо он чи ин қории кувайтӣ дар клипҳояш эълом кардааст, баён ва онро маҳкум кунанд.

Икно: Чаро касе монанди Мишарӣ Ал-Афасӣ, ки ба хотири садои зебояш маъруф аст, чунин мавзеъҳо мегирад?

Ин баргирифта аз эътиқоди ифротгароёнаи ӯст, ки аз дарунаш сарчашма мегирад ва ба хотири муҳит ва фазое аст, ки дар он парвариш ёфта ва зиндагӣ кардааст.

Икно: Назари ин қории кувайтӣ дар миёни умуми мардум ва фаъолони Қуръонии Ироқ чӣ бозхурде дорад?

Мутмаинан бештари қориён ва фаъолони Қуръонӣ ин мавзеъро таъйид намекунанд; зеро ба хубӣ аз пешинаи ин қорию ибтиҳолхони мазҳабӣ ва навъи эътиқоди ӯ огоҳӣ доранд.

4348723