Давлати Шветсия аз қатъ кардани истифодаи истилоҳи «исломҳаросӣ» хабар дод.

Давлат эълон кард, ки истифодаи ин истилоҳро қатъ намуда, барои пайдо кардани ивазкунандаи он дар сатҳи байналмилалӣ талош мекунад.

Ба гузориши икно ба нақл аз сомонаи *Алкампс*, Мария Малма Стенград, вазири корҳои хориҷии Шветсия, изҳор намуд: Ҳукумат қарор кардааст истилоҳи «исломҳаросӣ»-ро канор гузорад ва ба ҷои он аз ибораи «нажодпарастӣ алайҳи мусалмонон» истифода барад, зеро калимаи «исломҳаросӣ»-ро «мушкилзо» мешуморад.

Вай ба парлумон гуфт: Вожааи «фобия» ин падидаро ба тарсҳои ғайримантиқии инфиродӣ нисбат медиҳад, дар ҳоле ки бояд ба табъиз ва нажодпарастие, ки мусалмононро ҳадаф қарор медиҳад, тамаркуз карда шавад.

Вазири корҳои хориҷӣ илова кард: Ин истилоҳ метавонад бо интиқод аз динҳо иштибоҳ гирифта шавад, дар ҳоле ки давлат намехоҳад интиқоди динҳоро маҳдуд созад.

Ин тавзеҳот дар ҷаласаи Парлумон ва пас аз суоли Рикард Юмшоф, намояндаи Ҳизби Демократҳои Шветсия (SD) матраҳ шуд. Ӯ аз истифодаи ин истилоҳ аз ҷониби давлат дар чорчӯби арҷгузории СММ ба Рӯзи ҷаҳонии мубориза бо исломҳаросӣ (15 март) интиқод карда буд.

Равиши интиқодии давлат нисбат ба ин истилоҳ аз «Нақшаи амал алайҳи нажодпарастӣ ва ҷиноятҳои бар асоси нафрат» оғоз шуд, ки дар декабри соли 2024 тасдиқ гардида буд. Ин нақша истифодаи истилоҳи «исломҳаросӣ»-ро зери суол мебурд, ҳарчанд давлат қаблан дар барномаи соли 2022 аз он истифода карда буд.

Вазири корҳои хориҷӣ бо таъйид бар ин ки ҳукумат айни ҳол талош дорад ин истилоҳро дар сатҳи байналмилалӣ, дар Иттиҳоди Аврупо ва Созмони Милали Муттаҳид иваз кунад, таъкид кард: Қадами аввал муттаҳид сохтани мавқеи Иттиҳоди Аврупо мебошад.

Ӯ гуфт: Давлат дар пайи пазируфтани истилоҳҳои дигар монанди «нажодпарастии зидди мусалмонон» ё «нафрати зидди мусалмонон» мебошад. Қарор аст дар як нишасти аврупоӣ рӯзи 18–19 май дар Брюссел дар бораи ин равиш баҳс баргузор гардад.

Юмшоф ва дигар раҳбарони Ҳизби Сотсиал-демократ борҳо аз истифодаи истилоҳи «исломҳаросӣ» интиқод карда, онро «истилоҳе сохта, ки аз ҷониби гурӯҳҳои исломгаро дар саросари ҷаҳон барои таҳриф ва хомӯш кардани интиқоди қонунӣ аз ислом ва исломгароӣ истифода мешавад» тавсиф кардаанд.

4349248