Лоиҳаи озмоишии автобуси ҳушманд дар Масҷиди Қубо
Ба гузориши икно ба нақл аз рӯзномаи «Ал-Ватан», ин тарҳ бо ҳадафи беҳтар намудани хизматрасонӣ ба зоирин, рушди нақлиёти ҳушманд ва тақвияти ҷойгоҳи Арабистони Саудӣ дар соҳаи технологияҳои навин иҷро мешавад.
Созмони нақлиёти Арабистони Саудӣ бо ҳамкории Созмони рушди минтақаи Мадинаи Мунаввара аз оғози озмоишии «автобуси ҳушманд» дар ҳавлии Масҷиди Қубо хабар дод; иқдоме, ки дар чорчӯби рушди роҳҳалҳои нақлиёти ҳушманд ва устувор ва дар ростои дурнамои 2030-и Арабистони Саудӣ сурат гирифтааст.
Ин лоиҳа бо ҳадафи беҳтар кардани сифати хидмат ба зоирони Масҷидуннабӣ ва маконҳои таърихии Мадина амалӣ шудааст ва барои фароҳам овардани таҷрибаи амнтар, ҳамвортар ва созгортар бо муҳити зист барои боздидкунандагон талош мекунад.
Автобуси ҳушманд ё Autonomous RoboBus ба маҷмӯае аз технологияҳои пешрафта, аз ҷумла зеҳни сунъӣ, ҳисгарҳои ҳушманд ва камераҳои дақиқ муҷаҳҳаз шудааст, то битавонад бо баландтарин сатҳи амният дар муҳитҳои серодам фаъолият кунад.
Муддати иҷрои озмоишии ин лоиҳа 60 рӯз хоҳад буд ва масири ҷудошуда барои ҳаракати автобус тақрибан 700 метр тӯл дорад.
Низоми нақлиёт комилан бар асоси технологияи зеҳни сунъӣ ва системаҳои назорати ҳушманд фаъолият мекунад ва дар тӯли масир, истгоҳҳои мушаххас, даромадгоҳҳои вижа барои зоирин ва платформаҳои барқгирӣ дар назар гирифта шудаанд.
4351729
