Таҷлил аз ҳофизони Қуръон дар бузургтарин масҷиди Туркия + филм
Масҷиди Чамлия, бузургтарин масҷиди Туркия, шоҳиди таҷлил аз 125 ҳофизи Қуръони Карим буд, ки ахиран муваффақ ба ҳифзи кулли Қуръон шудаанд.
Дар видеои интишор ёфта аз ин маросим, ҳофизони Қуръон пас аз вуруд ба масҷид, бо такбирҳои баланди ҳозирон мавриди истиқбол қарор гирифтанд.
Ин масҷид соли 2019 дар минтақаи Чамлия, ки муртафаътарин минтақаи Истамбул аст, ифтитоҳ шуд ва бузургтарин масҷиди Туркия ба шумор меравад.
Созмони диёнати Туркия ба унвони мутаваллии аслии умури динӣ дар солҳои ахир барномаҳои Қуръонии мутааддидеро дар ин кишвар ба роҳ андохтааст. Ҳалқаҳои омӯзиш ва ҳифзи Қуръони карим вижаи радаҳои сннии мухталиф ва барпоӣ рӯйдодҳои қуръонӣ монанди таҷлил аз ҳофизони Қуръони Карим дар устонҳои мухталифи ин кишвар ва ба вижа дар масоҷиди таърихӣ ва муҳим аз барҷастатарини ин иқдомот аст. Аз сӯе ин созмон иқдом ба чоп ва тавзеъи нусахи Қуръони Карим дар кишварҳои африқоӣ ва дигар кишварҳои исломӣ кардааст, ки ба нусахи чоп шудаи Қуръони Карим дастрасӣ надоранд.
Бо инҳол фаъолияти густурдаи созмони диёнати Туркия аз сӯи аҳзоби мухолифи давлати кунунӣ мавриди интиқоди густурда қарор гирифтааст, мухолифони ин фаъолиятҳоро муғоири бо арзишҳои бунёдини ҷумҳурии Туркия ва талош барои истифода аз дин дар хидмати аҳдофи сиёсӣ тавсиф кардаанд. Иддаое, ки ҳамвора аз сӯи ҳизби Адолат ва Тавсеа ба унвони ҳизби ҳокими ин кишвар рад шудааст.
