Шодии сокинони Ғазза аз қаҳрамонии Испания дар Ҷоми ҷаҳонӣ + Видео

Мардуми Фаластин дар навори Ғазза аз қаҳрамонии тими миллии Испания дар мусобиқаҳои Ҷоми ҷаҳонии соли 2026, ки дар Мексика, Канада ва Иёлоти Муттаҳидаи Амрико баргузор шуд, изҳори хушҳолӣ карданд.

Ба гузориши икно бо истинод ба Arab 48, сокинони урдугоҳи паноҳандагони Нусайрот дар маркази Ғазза шоми якшанбе, 28-уми тир, гирди ҳам омада, бозии финалии Ҷоми ҷаҳонии соли 2026-ро тамошо карданд. Пас аз пирӯзии Испания бар Аргентина бо ҳисоби 1 бар 0 дар вақти изофӣ, онҳо ба ҷашну шодӣ пардохтанд.

Тамошои дастаҷамъонаи ин бозӣ барои бисёре аз сокинон фурсате буд, то барои чанд соат аз фишорҳои ҷанг ва душвориҳои зиндагии ҳамарӯза дар муҳосираи Ғазза дур шаванд.

Қисми зиёди ҳозирон аз тими миллии Испания ҷонибдорӣ мекарданд. Ин пуштибонӣ бештар ба мавқеи давлати Испания дар ҳимоят аз мардуми Фаластин вобаста дониста мешавад.

Бо ин пирӯзӣ, Испания пас аз қаҳрамонии соли 2010 барои бори дуюм соҳиби Ҷоми ҷаҳонии футбол гардид. Дар ҳамин ҳол, Аргентина натавонист аз унвони қаҳрамонии худ, ки соли 2022 дар Қатар ба даст оварда буд, ҳимоят кунад.

تعداد بازدید : 0

код

Зеркашӣ кунед

Main movie

<div id="video-display-embed-code_22240"><script type="text/JavaScript" src="/tj/news/play/embed/4848/22240?width=400&height=300"></script></div>

4365047