Сайид Содиқ Муслимӣ — намояндаи Ҷумҳурии Исломии Эрон дар мусобиқоти байналмилалии Қуръони Малайзия
Бино ба гузориши икно, шасту шашумин давраи мусобиқоти байналмилалии Қуръони Малайзия, ки қадимтарин рӯйдоди қуръонӣ дар ҷаҳони ислом ба шумор меравад, мисли солҳои гузашта дар Маркази тиҷорати ҷаҳонии Куала-Лумпур, пойтахти Малайзия, баргузор хоҳад шуд.
Дар ин давра Сайид Содиқ Муслимӣ ал-Мушайрӣ ба ҳайси намояндаи Ҷумҳурии Исломии Эрон дар бахши қироати таҳқиқ ширкат хоҳад кард.
Сайид Содиқ Муслимӣ ал-Мушайрӣ соли гузашта дар чилу ҳаштумин давраи мусобиқоти умумимиллии Қуръони Созмони авқоф ва корҳои хайрияи Эрон, ки ба мизбонии вилояти Курдистон баргузор гардид, мақоми дуюмро дар бахши қироати таҳқиқ соҳиб шуд. Ӯ ҳамчунин дар мусобиқоти қуръонии дохили кишвар ба дастовардҳо ва мақомҳои зиёди арзанда ноил гардидааст.
Аз ҷумлаи дигар ифтихороти ин қории 28-солаи сокини шаҳри Қоимшаҳр метавон ба касби мақоми беҳтарин дар мусобиқоти байналмилалии Қуръони Кувайт дар соли 1390 ҳиҷрии шамсӣ ишора кард.
Сайид Содиқ Муслимӣ инчунин собиқаи узвият дар дастаи миллии қориёни ҷавони Эрон-ро дар корномаи худ дорад.
4366479