Оғози маҳфилҳои қуръонии корвони Имом Ризо (а) дар Наҷаф + филм
Ба гузориши икно, нахустин гурӯҳи Корвони қуръонии Имом Ризо (а) бо ҳамкории Шӯрои олии Қуръон ва Кумитаи эъзом ва даъвати қориёни Қуръони Ҷумҳурии Исломии Эрон, аз ҷониби Кумитаи фаъолиятҳои қуръонии Ситоди фарҳангии Арбаин дар шаҳри Наҷафи Ашраф ҷойгир шуда, фаъолияти худро оғоз кардааст.
Дар ҳамин замина, Кумитаи фаъолиятҳои қуръонии Ситоди фарҳангии Арбаин бо ҳамкории Ҳайати Размандагони Ислом дар Наҷафи Ашраф маҳфилҳои сершумори қуръонӣ ташкил кардааст, то қориёни барҷаста ва байналмилалӣ бо тиловати оятҳои илоҳӣ фазои маънавии зоирони ҳазрати Абӯабдуллоҳ ал-Ҳусайн (а)-ро дар масири зиёрати Арбаин бо атри Қуръон муаттар созанд.
Бар асоси барномаи тарҳрезишуда, пас аз анҷоми барномаҳо дар Наҷафи Ашраф, фаъолияти ин корвон дар Карбалои Муалло идома хоҳад ёфт.
Ҳадаф аз таъсиси Корвони қуръонии Имом Ризо (а) густариши фарҳанги Қуръон ва аҳли байт (а), амиқтар сохтани фазои маънавии роҳпаймоии Арбаин ва фароҳам овардани имкони баҳрамандии бештари зоирон аз маъорифи нуронии Қуръони карим унвон шудааст.
Сайидмуҳаммад Ҳусайнипур, Амирҳусайн Раҳматӣ, Сайидҳамидризо Муқаддасӣ, Сайидмустафо Ҳусайнӣ, Ваҳид Карамӣ, Ҷамшед Сурагӣ, Муҳаммадалӣ Каримӣ, Носир Қарахонӣ ва Муҳсин Имомӣ, ҳамроҳ бо гурӯҳи тавошеҳи «Силсилатуззаҳаб» аз вилояти Хуросони Разавӣ, аъзои нахустин гурӯҳи Корвони қуръонӣ мебошанд, ки ба масири роҳпаймоии Арбаин эъзом шудаанд.
4366945