Бозгашти моск ба Масҷидулҳаром
Ба гузориши пойгоҳи иттилоърасонии Иморати Макка, Созмони Амнияти умумии Арабистон бо интишори баёнияе дар шабакаи Х (Твитер), аз зарурати истифода аз моск барои зоирони Масҷидулҳаром ба манзури ҷилавгирӣ аз интишори бемориҳо хабар додааст.
Аз сӯе вазорати беҳдошти Саудӣ низ бо интишори дастуруламале иттилооти муртабит ба истифода аз москҳои порчаиро барои умуми мардум ташреҳ кардааст. Ин роҳнамо шомили дастуруламалҳое дар мавриди наҳваи сохти моск, интихоби порчаи муносиб, наҳваи пӯшидан ва тамиз кардани онҳо, илова бар тавзеҳи ин маворид аст, ки чӣ касе набояд аз ин москҳо истифода кунад.
Ҳисоби корбарии Иморати Макка рӯзи гузашта бо интишори пусте дар шабакаи иҷтимоӣ Х аз тавсияи амнияти умумии подшоҳӣ ба пӯшидани моск дар дохили Масҷидулҳаром барои ҷилавгирӣ аз интиқоли бемориҳо байни зоирони умра хабар дод.
Ин тавсия тақрибан як моҳ пас аз он омадааст, ки Созмони Амнияти умумии Арабистон дар 22 октябр, бар аҳамияти истифода аз моск барои зоирони Масҷидулҳаром ва Масҷидуннабӣ таъкид кард.
Шуюъи вирусҳои ҷадиди онфулонзо ва ҳамчунин савияҳои ҷадид аз короно, ки бо вуҷуди заифтар будан ба шиддат гузаро ҳастанд, аз авомиле аст, ки масъулони беҳдошт ва амнияти умумии Арабистонро бар он дошта то бори дигар истифода аз моск дар Масҷидулҳаром ва Масҷидуннабиро барои зоирон зарурӣ эълом кунанд. Ба назар мерасад дар сурати тадовуми шуюъи ин вирусҳо шоҳиди иқдомоти маҳдуд кунандаи бештаре дар Масҷидулҳаром ва Масҷидуннабӣ бошем.
