ایکنا نیوز- آناتولی نیوز کے مطابق فاسمن نے حال ہی میں ایک میڈیا چینل سے گفتگو میں کہا ہے: اسکولوں میں ٹیچرز کو حجاب کی اجازت نہیں دینی چاہیے۔
اس گفتگو میں جب وزیر تعلیم سے حجاب کے بارے میں پوچھا گیا تو انکا کہنا تھا: میں ایک سیکولر اسٹیٹ کا حامی ہوں اور میرے مطابق اسکول میں حجاب پر پابندی ہونی چاہیے مگر سوایے مذہبی مدارس کے۔
آسٹریا میں اسلامی انجمن کے سربراہ ابراهیم اولگان نے اس حوالے سے کہا : حجاب ہمارے لیے سرخ لکیر ہے.ہم اس کو قبول نہیں کرسکتے اور اس حوالے سے ہر راستہ اختیار کرسکتے ہیں۔
اولگان کا کہنا تھا: اس موضوع پر جلد مسلم لیڈرز وزیر تعلیم سے ملاقات کریں گے اور ہم اسکو اسلاموفوبیا کا سلسلہ سمجھتے ہیں۔
حالیہ انتخابات میں برسراقتدار حکومت شدت پسند پارٹیوں کی حمایت سے وجود میں آئی ہے اور انکا رویہ مسلم اور مہاجر مخالف دکھائی دیتا ہے۔/