Wani Fitaccen Dan Kwallon Amurka Ya Karbi Addinin Muslunci
Bangaren kasa da kasa, Dominique Easley dan kwallon kasar Amurka mai buga wasa a kungiyar New England ya shelanta karbar addinin muslunci yana dan shekaru 23 da haihuwa.
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na ajib cewa, tun a ranar juamar da ta gabata ce Easley ya sanar da cewa a halin yanzu ya karbi addinin muslunci a matsayin sabuwar hanya tya rayuwa.
Ya sanar da hakan a shafinsa na kafar sadarwa ta yanar gizo ta twitter, inda yake cewa ya shiga muslunci ne sakamakon neman shiruya da yake yi a cikin rayuwarsa, inda daga karshe ya kai ga wannan shiriya da ya ganoo cewa tana cikin addinin muslunci, kamar yadda wannan kalami ya samu ra’ayin mutane 5150 a shafin nasa.
Bisa ga wannan rahoto, wannan dan kwallo na kasar Amurka ya saka hotunansa da ya dauka a cikin wani masallaci tare da wasu musulmi, yayin da yake samun taya murna.
