IQNA

Zanga-Zangar Allawadai Da Harin Da Aka Kai A Masallacin Imam Ali (AS) a Saudiyya

23:31 - May 23, 2015
Lambar Labari: 3306868
Bangaren kasa da kasa, dubban mutane sun gudanar da jerin gwano a yankunan gbashin kasar Saudiyyah domin nuna rashin amincewa da hari kan masallacin Imam Ali (AS)


Kamfanin dillancin labaran iqna ya nakalto daga shafin sadarwa na yanar gizo na Al-alam cewa, a jiya dubban mutane sun gudanar da jerin gwano da zanga-zanga a yankunan gbashin kasar Saudiyyah, domin nuna rashin amincewarsu da kai hare-haren ta’addancin kan kan masallacin Imam Ali (AS) da ke yankin Qaddih.

Masu jerin gwanon dai sun yi Allawadai da kakkausar murya kan harin, tare da bayyana shi da cewa na ta’addanci ne da ke samun daurin gindi daga mahukuntan kasar, harin dai ya yi sanadiyyar yin shahadar mutane 21, yayin da wasu kimanin 123 suka samu raunuka.

Yankunan gabashin kasar Saudiyya dai na mabiya mazhabar shi’a ne, wanda kuma dukkanin arikin da kasar ta dogara da shi ya fito daga wannan yanki, kuma suna kokawa a kan rashin yi musu adalci a cikin dukkanin lamurransu na kasa.

3306501

Abubuwan Da Ya Shafa: saudiyya
captcha