Gwamnatin Falastinu Ta Bayyana Takaicinta Kan Baiwa Isra'ila Kujera A Kungiyar Tarayyar Afirka

Tehran (IQNA) A cikin wata sanarwa da firaministan gwamnatin Falasdinu ya fitar ya nuna adawa da shigar gwamnatin Isra'ila a cikin kungiyar tarayyar Afirka a matsayin mamba mai sa ido.

Tashar Almayadeen ta bayar da rahoton cewa, a ranar jiya juma'a ne firaministan hukumar Falasdinu ya isa birnin Addis Ababa na kasar Habasha, a madadin shugaban Falasdinawa Mahmoud Abbas, domin halartar taron kolin kungiyar Tarayyar Afirka karo na 35.

A cikin wata sanarwa da ya fitar yau, ya ce bai kamata a yaba wa ayyuka nuna wariyar da Isra'ila ke yi wa Falasdinawa ba. Muzgunawa Falasdinawa da 'yan mamaya ke yi wa Falasdinawan, wata manufa ce ta nuna wariya, kuma bai wa Isra'ila izinin zama mamba a Tarayyar Afirka bai dace ba. Don haka muna kira ga Tarayyar Afirka da ta yi watsi da wannan mataki.

"Mun ga cewa dubban daruruwan Falasdinawa sun yi hijira saboda zaluncin da ake yi musu, kuma Isra'ila ba abokiyar zaman lafiya ba ce, domin ba ta son zaman lafiya.

Dangane da haka ita ma kungiyar gwagwarmayar Islama ta Falasdinu Hamas ta yi kira ga taron kungiyar Tarayyar Afirka da ya yi watsi da batun amincewa da Isra'ila a matsayin 'yar sa ido a cikin kungiyar.

https://iqna.ir/fa/news/4033926