Babban kusa a Hamas ya jaddada sharuddan juriya a musayar fursunoni da gwamnatin yahudawa

Tehran (IQNA) Wani mamba a ofishin siyasa na kungiyar gwagwarmayar Musulunci ta Palastinu Hamas ya jaddada cewa dole ne a cika sharuddan da suka gindaya a duk wata yarjejeniya ta musayar fursunoni da gwamnatin sahyoniyawan.

Kamfanin dillancin labaran iqna ya habarta cewa ya nakalto daga shafin sadarwa na yanar gizo na Shahab cewa, Mahmoud al-Zahar mamba a ofishin siyasa na kungiyar gwagwarmayar Musulunci ta Hamas a cikin wani jawabi da ya yi yana mai cewa: ‘Yan gwagwarmaya na da karfin tilasta wa ‘yan mamaya su amince da bukatarsu ta kowace fuskar  sabuwar yarjejeniya don musayar fursunoni

Ya kara da cewa: A kowace sabuwar yarjejeniya, musayar fursunoni tare da yanke hukunci na dogon lokaci, marasa lafiya da tsofaffi shine fifiko.

A halin yanzu dai sojoji 4 na gwamnatin sahyoniyawan suna hannun ‘yan gwagwarmayar Palasdinawa a zirin Gaza, kuma kokarin musayarsu bai yi nasara ba saboda kin amincewa da sharuddan ‘yan gwagwarmayar.

A shekara ta 2011 lokacin da aka sako wani sojan sahyoniya Gilad Shalit daga gidan yarin kungiyoyin gwagwarmaya, an sako fursunonin Palastinawa 1,270 daga gidajen yarin gwamnatin sahyoniyawan.

4092803