Sallar Eid al-Fitr a Masallacin Harami da masallacin Annabi (SAW)
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na jaridar Al-Watan ta kasar Saudiyya cewa, a daidai lokacin da aka fara shigowar farkon watan Shawwal da Idin karamar Sallah, musulmi a duk fadin kasar Saudiyya sun gudanar da sallar idi a safiyar yau ta hanyar halartar masallacin Harami, masallacin Annabi (SAW) da masallatai a fadin kasar.
An gudanar da Sallar Idin karamar Sallah a Masallacin Harami a cikin wani yanayi na musamman na ruhi da addini karkashin jagorancin Saleh bin Abdullah Hamid daya daga cikin masu wa'azin masallacin Harami.
Saleh bin Abdullah al-Hamid, a cikin hudubarsa ta Eid al-Fitr, ya shawarci musulmi da su kasance masu tsoron Allah.
Haka kuma an gudanar da Sallar Idin karamar Sallah a Madina karkashin jagorancin Abdul Bari Al-Thabiti mai wa'azin Masallacin Manzon Allah (SAW) tare da halartar Faisal bin Salman bin Abdul Aziz, gwamnan yankin Madina. , da dimbin masallatai da mahajjatan Masallacin Annabi.
