Gudunmawar Istighfar A Cikin Gafarar Zunubai, Kubuta Daga Wuta
Muhimmancin wannan tasirin na Istighfar shi ne, idan aka gafarta wa mutum daga wutan jahannama ta hanyar gafarta masa zunubansa, ya samu farin ciki na har abada da tsira: "Duk wanda aka cire shi daga wuta aka shigar da shi Aljanna zai rabauta". (Aya ta 185 a cikin suratu Ali Imrana).
Ayoyi da dama a cikin Alkur'ani mai girma suna yin ishara da gafarar zunubai a sakamakon Istighfari; misali, a cikin suratu Al Imrana, akwai gayyata zuwa ga gaugawa zuwa ga gafara da Aljanna mara iyaka (Aya ta 133).
A aya ta gaba yayin da yake yin ishara da wasu ayyuka na alheri, Allah yana cewa: “Ku yi gaggawar neman gafara daga Ubangijinku, kuma domin ku cancanci Aljannah, an yi tattalin Aljannah mai girman sammai da kassai, ga masu takawa wadanda suke ciyar da dukiyoyinsu saboda Allah a cikin wadata da walwala, kuma suna daukar fushinsu, kuma suna gafarta wa mutane, Allah yana son masu takawa.
Wannan yana nuna cewa bayarwa (sadaka) a lokutan wahala da wadata, danne fushi da yafe kurakuran mutane da kyautata musu yana da tasirin taimakon gafarar zunubai.
Allah yana cewa a aya ta gaba: “(Aljanna) kuma tana ga wadanda suke idan suka aikata zunubi ko suka zalunci kawunansu sai su ambaci Allah kuma su neme shi ya gafarta musu zunubansu, wane ne zai gafarta zunubai, baicin Allah, kuma su waye ba su dawwama a kan kurakuransu suna sane? (Aya ta 135 a cikin suratu Ali Imrana).
Wannan aya tana magana ne akan sharuddan istigfari da suke yin tasiri ga gafarar zunubai. A aya ta gaba, daidai da ayar farko (Aya ta 133), ta yi maganar lada guda biyu, na farkonsu shi ne gafarar zunubai;
"Ladarsu ita ce gãfara daga Ubangijinsu da gidãjen Aljanna, ƙoramu na gudãna daga ƙarƙashinsu, kuma sunã madawwama a cikinsu har abada. (Aya ta 136 a cikin suratu Ali Imrana).
Maganar karshe ta wannan ayar tana nuna cewa neman gafara ana daukarsa a matsayin aiki ne ba wai kawai tunawa da zuciya da harshe ba.
