Ibinalik ng Dating Kawal ng Israel ang mga Susi ng Aqsa, Hinimok ang Israel na Ibalik ang mga Lupain ng Palestino
Ang Kagawaran ng mga Pagbibigay na Islamiko sa Jerusalem ay naglathala ng isang video na nagpapakita sa patnugot na pangkalahatan nito na si Sheikh Azzam Al-Khatib na tinatanggap ang susi mula sa lalaki, na kinilalang si Yair Barack.
Sa video, sinabi ni Barack na bahagi siya ng batalyong Israeli na nakipaglaban sa harapan ng Silangang Jerusalem, at idinagdag na marami sa kanyang mga kasama ang namatay sa labanan noong 1967.
"Nakarating ako sa Tarangkahan ng Al-Mughrabi (sa kanlurang bahagi ng Moske ng Al-Aqsa)...at nang tumingin ako sa kaliwang bahagi, nakakita ako ang isang susi. Hindi ko alam kung bakit ko ito ipinatong ang aking kamay at kinuha ito," sinabi niya.
"Inilagay ko ang susi sa aking bulsa, at mula noon, hawak ko na ito," dagdag niya.
Sinabi ni Barack na pagkatapos ng 40 o 50 na mga taon, nagsimula siyang hindi mapalagay na ang susi ay nasa kanya pa rin "dahil lang ninakaw ko ito at nagpasya akong ibalik ito."
"Ngayon ako ay narito. Ibinalik ko ang susi na aking ninakaw. Ibinalik ko ito sa mga may-ari nito...at ito ang dapat gawin ng Israel - upang ibalik sa Palestino ang kanilang mga lupain, mga karapatan, paggalang, kalayaanm at seguridad," sinabi niya.
Sinabi niya na pagkatapos ibalik ang susi, naramdaman niyang "ginawa niya ang tama."
Ang kanyang pagbabalik ng susi ay dumating habang ang mga naninirahang Israeli kasama ang maraming mga opisyal ng Israeli ay sumali sa isang "martsa ng bandila" upang ipagdiwang ang kanilang pananakop sa Silangang Jerusalem noong 1967.
Nagkomento sa kontrobersyal na martsa, sinabi niya na ito ay isa sa pinakamasamang mga araw sa taon para sa kanya, idinagdag na tumigil siya sa pagdiriwang ng "araw ng bandila" matagal na ang nakalipas.
Ang Martsa Bandila ay itinatanghal ng mga Israeli settler bawat taon upang markahan ang tinatawag nilang unification ng Jerusalem, bilang pagtukoy sa pananakop ng Israel sa lungsod noong 1967.
"Kasama ako noong araw na iyon. Nais kong hindi ko ginawa ito, na sumasakop sa Jerusalem," sinabi niya.
Sinakop ng Israel ang Silangang Jerusalem noong 1967 na Digmaang Arab-Israeli. Sinanib nito ang buong lungsod noong 1980 sa isang hakbang na hindi kailanman kinikilala ng pandaigdigang komunidad.
