Natapos ang Kompetisyon ng Quran sa Aprika sa Kabisera ng Senegal

IQNA – Isinagawa sa kabisera ng Senegal ang seremonya ng pagtatapos ng ikalawang Kompetisyon ng Tagapangalaga ng Dalawang Banal na Moske para sa pagmemoriya ng Banal na Quran at ng Sunnah ng Propeta.

Ayon sa Muslimsaroundtheworld, sa isang kaganapang nagpapakita ng pandaigdigang presensiya ng mga proyektong Quraniko ng Saudi Arabia, tinapos ng lupon ng hurado ng kompetisyon ang kanilang gawain sa Dakar matapos pakinggan ang mga pagbigkas ng 100 na mga kalahok mula sa 53 na mga bansa sa loob ng dalawang araw ng masinsinang mga kompetisyon.

Isinagawa ang kaganapang Quraniko sa ilalim ng pangangasiwa ng Kagawaran ng Islamikong mga Gawain, Dawah at Patnubay ng Saudi Arabia at sinamahan ng mataas na antas ng kaayusan at organisasyon, pati na rin ng mahigpit na kompetisyon sa pagitan ng mga kalahok sa iba’t ibang mga sangay ng pagmemoriya ng Quran at Sunnah ng Propeta.

Ang malawak na partisipasyon mula sa iba’t ibang mga bansang Aprikano ay nagpapakita ng pandaigdigang interes sa mga kompetisyong Quraniko at ng kanilang papel sa pagtataguyod ng pagmemoriya ng Quran at pagtatanim ng mga pagpapahalagang Islamiko sa susunod na mga salinlahi.

Isinagawa ang seremonya ng pagtatapos sa pamamagitan ng birtuwal na pagdalo ni Sheikh Abdullatif bin Abdulaziz Al-Sheikh, ang ministro ng Islamikng mga Gawain, Dawah at Patnubay ng Saudi, at nasaklaw ito ng mahigit 30 satellite na mga tsanel.

Ang kabuuang halaga ng mga gantimpala ay lumampas sa 2,100,000 Saudi riyals, na nagpapakita ng malaking suporta para sa mga inisyatibong ito.