Paglalakbay sa Hajj Isang Pagsasanay ng Jihad: Kagawaran ng Panlabas ng Iran
Ito ay ayon sa tagapagsalita ng Iraniano na Kagawaran ng Panlabas na si Nasser Kanaani, na nagpahayag sa isang post sa X noong Linggo, sa gitna ng patuloy na digmaan ng pagpatay ng lahi ng nananakop na rehimen laban sa kinubkob na Gaza Strip at habang ang milyun-milyong Muslim na mga peregrino mula sa buong mundo ay nagtitipon sa Mekka, Saudi Arabia, upang isagawa ang taunang paglalakbay sa Hajj.
"Ang pilosopiya ng Abrahamikong Hajj at ang mga ritwal at mga gawi nito ay nagtuturo sa mga Muslim at mga mananampalataya saanman sa mundo kung paano ipahayag ang kanilang pagtalikod kay Satanas at sa mga may sataniko na ugali sa totoong mundo," sabi niya.
Sinabi pa ng opisyal na ang isyu ng bara'at (pagtalikod sa mga politeyista) sa taong ito ay dapat na higit pa sa isang ritwal ng Hajj at umabot sa lahat ng mga bansang Muslim sa mundo, gaya ng ipinahayag ng Pinuno ng Rebolusyong Islamiko na si Ayatollah Seyed Ali Khamenei sa kanyang taunang mensahe ng Hajj.
"Ang pagtalikod sa rehimeng Zionista at mga tagasuporta nito, lalo na ang gobyerno ng US, ay dapat na maipakita sa mga salita at mga aksyon ng mga bansa at mga gobyerno, at dapat nitong higpitan ang tali sa mga berdugo," sabi ni Kanaani.
Mahigit 1.5 milyong mga peregrino mula sa iba't ibang mga bahagi ng mundo ang nagtipon na sa loob at paligid ng Mekka para sa Hajj, na may higit pang mga peregrino mula sa loob ng Saudi Arabia na patuloy na sumasali. Inaasahan ng mga awtoridad ng Saudi na lalampas sa 2 milyon ang kabuuang bilang ng mga peregrino ngayong taon.
Ang Hajj ngayong taon ay ginanap sa likuran ng patuloy na digmaang pagpatay ng lahi ng Israel laban sa mga Palestino sa kinubkob na Gaza Strip na pumatay ng hindi bababa sa 37,337 katao, karamihan sa mga kababaihan at mga bata, at ikinasugat ng higit sa 85,299 iba pa.
Ang mga Palestino mula sa Gaza ay hindi maaaring maglakbay patungong Mekka ngayong taon dahil sa pagsasara ng tawiran na daabn ng Rafah noong Mayo nang pinalawak ng Israel ang pagsalakay nito sa Rafah, isang katimugang lungsod sa hangganan ng Gaza sa Ehipto.
