Higit sa 2,000 na mga Papel na Isinumite sa Pandaigdigang Kongreso tungkol sa Quranikong mga Kaisipan ni Imam Khamenei
Sa pagsasalita sa isang pres-konperensiya katimugang lungsod ng Shiraz ng Iran noong Lunes, sinabi ni Hojat-ol-Islam Seyed Issa Mostarhami, ang siyentipikong kinatawan ng komite sa pag-aayos, na ang kongreso ay inorganisa ng Al-Mustafa International University na may layuning maihatid ang Quran at paglilinaw sa Quranikong kaisipan ng Pinuno.
Sabi niya, mahigit 180 na mga sentro ang nakipagtulungan sa organisasyon ng kaganapang pang-iskolar.
May 200 na mga sesyon ng paghahanda at 73 na mga gawaing pang-agham ang idinaos tungkol sa tema ng kongreso, sabi niya.
Idinagdag ni Hojat-ol-Islam Mostarhami na 2,977 abstract na mga papel at 2,156 buong mga papel sa 22 na mga wika at ng mga iskolar mula sa 30 na mga bansa ang naisumite sa kalihiman ng kongreso.
Mula sa mga papel na ito, 845 ang natanggap, kalahati nito ay nailimbag at ang iba ay magagamit sa digital pormat, sinabi niya.
Nagsalita din sa pres-konperensiya ang Tagapangalaga ng Banal na Dambana ng Shah Cheragh (AS) na si Hojat-ol-Islam Ebrahim Kalantari.
Sabi niya, ang banal na dambana sa Shiraz ang magpunong-abala ng kongreso sa Miyerkules, Nobyembre 13, 2024.
Binigyang-diin niya ang tatlong mahalagang aspeto ng kongreso, na sinasabi na ang una ay nagbibigay-diin sa kahalagahan ng Quran sa mundo ng Muslim at para sa sangkatauhan.
Idinagdag niya na ang pangalawang aspeto ay ang pagbibigay-diin sa pagpapakilala ng Quranikong mga kaisipan ng Pinuno ng Rebolusyong Islamiko.
Ang ikatlong aspeto ay ang pagbibigay-diin sa katotohanan na ang Islamikong Iran ay pinamumunuan batay sa mga turo at mga kaisipan ng Quran.
Tatalakayin din sa kongreso ang kasalukuyang mga isyu ng mundo ng Muslim, kabilang ang sitwasyon sa Gaza Strip at Lebanon at ang paglaban sa kayabangan ng mundo, sabi pa niya.
