Pinili ng mga Taga-New York ang Kanilang Unang Muslim na Alkalde
Nanalo siya sa halalan habang ang mga botanteng Amerikano ay unang nagbigay ng hatol sa magulong ikalawang termino ni Donald Trump sa panloob na mga halalan sa buong bansa.
Tinalo ni Mamdani ang dating gobernador ng estado na si Andrew Cuomo, isang Demokratiko sino tumakbo bilang independiyente matapos matalo sa paunang halalan.
Si Curtis Sliwa, kandidato mula sa Republikano at tagapagtatag ng Guardian Angels, ay nagtapos sa ikatlong puwesto sa halalan.
“Ang susunod at huling hintuan ay ang City Hall,” sabi ni Mamdani sa isang video na iposted niya sa X matapos ideklara ang kanyang pagkapanalo.
Si Mamdani, na 34 taong gulang lamang, ay isang inilarawang sosyalista sino halos hindi kilala bago niya makuha ang nominasyon ng Partido Demokratiko sa nakakagulat na pagkapanalo.
Nakatuon siya sa pagpapababa ng gastusin sa pamumuhay para sa karaniwang mga taga-New York, at nakakuha ng suporta sa pamamagitan ng kanyang kaswal na istilo at mga bidyo sa panlipunang media na kung saan naglalakad siya sa mga kalye habang nakikipag-usap sa mga botante.
Sa kanyang pagkapanalo, si Mamdani — ipinanganak sa Uganda sa mga magulang na Indiano at lumaki sa New York mula pitong taong gulang-ay naging kauna-unahang Muslim at Timog Asyano na alkalde ng Big Apple.
Ang kanyang tagumpay ay dumating sa kabila ng matitinding pagsalakay sa kanyang mga patakaran at pagka-Muslim mula kina Pangulong Donald Trump, mga elitistang negosyante, at konserbatibong midya.
Walang pag-aalinlangang ginamit ni Trump ang paksang lahi, tinawag niyang “Jew hater” si Mamdani noong Martes. “Sinumang Hudyo na bumoto kay Zohran Mamdani, isang napatunayan at sariling umaming taga-kampi ay Galit sa mga Hudiyo, ay isang hangal na tao!!!” ayon sa kanyang post sa panlipuang midya na plataporma.
Ang kilalang mga tao na negosyante katulad ni Bill Ackman ay hayagang sumalakay kay Mamdani at nagbigay ng pondo sa kanyang mga kalaban, habang ang konserbatibong midya tulad ng The New York Post ay naglabas ng tuloy-tuloy na negatibong balita laban sa kanya.
Palagay ni Trump
Ang halalan ay nakasentro sa isyu ng gastusin sa pamumuhay, paglabag sa batas, at kung paano haharapin ng bawat kandidato si Trump, sino nagbanta na hindi magbibigay ng mga pondo mula sa pederal na gobyerno sa New York.
Itinuon ni Mamdani ang kanyang kampanya sa abot-kayang pamumuhay.
Kasama sa kanyang mga plano ang pagpapatigil ng pagtaas ng renta sa mga apartment, libreng serbisyo ng bus, pandaigdigan na pag-aalaga sa bata, at mga tindahan ng groseri na pinapatakbo ng lungsod.
Kasama rin sa kanyang mga patakaran ang pagtaas ng buwis sa pinakamayayamang residente ng New York City at sa mga korporasyon, bagay na nagdulot ng pangamba sa mga negosyante na maaaring bumaba ang kakayahan ng lungsod na makipagkumpitensiya.
Ang hindi inaasahang pag-angat ni Mamdani ay nagbigay-diin din sa debate sa loob ng Partido Demokratiko kung dapat bang manatili sa gitnang-linya o lumipat sa mas kaliwang direksyon sa hinaharap.
Samantala, ang mga panalo ng Partido Demokratiko sa halalan ng gobernador sa Virginia at New Jersey ay nagpakita ng pagbabago sa pampulitikang damdamin habang naghahanda ang bansa para sa mga halalan sa kalagitnaan ng termino sa susunod na taon kung saan nakataya ang kontrol sa Kongreso.
Gayunpaman, ibinintang ni Trump ang pagkatalo ng mga Republikano sa New York City, New Jersey, at Virginia sa kanyang kawalan sa balota at sa nagpapatuloy na pagsasara ng pederal na gobyerno.
Mayroong madilim na kalooban sa ilan sa mga dumalo sa pagtitipon ni Cuomo para sa resulta ng halalan, kung saan may ilan na nag-akala na ipapadala agad ni Trump ang Pambansang Guardiya sa lungsod. Ang iba naman ay sinisi si Sliwa sa pagkahati ng boto ng mga botanteng nasa gitna at kanan.
Sa New Jersey, tinalo ng kandidato ng Partido Demokratiko na si Mikie Sherrill ang isang negosyanteng sinuportahan ni Trump, at sa Virginia naman, nabawi ni Abigail Spanberger ng Partido Demokratiko ang mansyon ng gobernador mula sa mga Republikano.
Parehong panig ay naglabas ng mga malalakas na personalidad; si dating pangulong Barack Obama ay nagbigay ng suporta kina Spanberger at Sherrill. “Marami pa tayong kailangang gawin, pero tila mas maliwanag na ngayon ang kinabukasan,” sabi ni Obama bilang tugon sa mga panalo.
