Pagpapanatili ng Sagradong Teksto sa Isang Digital na Mundo: Tinatalakay ng Sharjah Seminar ang Hinaharap ng Dokumentasyon na Quraniko

IQNA – Paano maisusulat at masasangguni nang tunay at tama ang relihiyosong mga teksto katulad ng Quran gamit ang makabagong AI? Ito ang pangunahing tanong sa isang seminar sa Sharjah na Pandaigdigang Perya ng Aklat 2025, kung saan nanawagan ang mga iskolar para sa isang malaking pagbabago sa paraan ng pag-aaral.

Ipinakita ng seminar na “Dokumentasyong Siyentipiko: Isang Orihinal na Pamamaraan na may Kontemporaryong Pananaw,” na inorganisa ng Akademya ng Banal na Quran sa Sharjah kasama ang Unibersidad ng Mohamed bin Zayed para sa Makataong Sining, Unibersidad ng Sharjah, at Unibersidad ng Al Qasimia, ang kahalagahan ng pagpapalawak ng siyentipikong dokumentasyon sa panahon ng artipisyal na katalinuhan (artificial intelligence).

Binigyang-diin ng mga kalahok ang pangangailangang bumuo ng bagong mga pamantayan, modernong teknikal na mga kagamitan para sa akademikong dokumentasyon, at pagtatatag ng matibay na metodolohiyang gagamitin ng mga unibersidad at pasusuri na mga plataporma upang tiyakin at makabuo ng mga teksto alinsunod sa pandaigdigang mga pamantayan. Inirekomenda ng seminar ang paggamit ng AI sa pagbuo ng teksto bilang katuwang sa pananaliksik, ayon sa kinikilalang pandaigdigang mga pamamaraan. Nanawagan din ito ng mas matinding pakikipagtulungan sa pagitan ng mga institusyong akademiko at pananaliksik upang maibahagi ang kaalaman at datos, maglunsad ng magkasanib na mga proyekto, tuklasin ang bagong mga larangan sa pag-aaral ng wikang Quraniko, at pahusayin ang mga salin upang mapanatili ang mayamang pamana ng Quran.

Binigyang-diin ni Dr. Abdullah Khalaf Al-Hosani, Kalihim-Heneral ng D Akademya ng Banal na Quran sa Sharjah, ang kahalagahan ng pakikipagtulungan sa nangungunang pambansang mga unibersidad na pandaigdigang pagkilala sa larangan ng siyensya.

Pinagsama-sama ng seminar ang mga dalubhasa mula sa iba’t ibang mga unibersidad upang talakayin ang mga pag-aaral tungkol sa Quran, at binigyang-diin na ang makabagong mga teknolohiya, sistematikong dokumentasyon, at mahigpit na metodolohiya ay mahalaga para mapanatili ang pangkultura na pamana at maisulong ang akademikong pananaliksik para sa susunod na mga henerasyon.

Tinalakay ng seminar ang tatlong pangunahing mga larangan: mga metodolohiya sa siyentipikong dokumentasyon, dokumentasyon sa Quranikong mga pagbasa at kaugnay na mga agham, at ang pagiging mapagkakatiwalaan ng siyentipikong mga teksto sa panahon ng AI.

3495410