Кампайни таблиғотии Лионел Месси ва камранг шудани тафаккури ваҳҳобият дар Арабистон + филм
Ба гузориши "Everythingexperiential.Businessworld", ба тозагӣ видеои аз таблиғи ҷозибаҳои гардишгарӣ ва вижагиҳои фарҳангии Арабистони Саудӣ бо ҳузури Лионел Месси, ситора Аргентинаи футболи ҷаҳон пурбоздид шудааст.
Ин видео, ки бозтоби густурдае дар шабакаҳои иҷтимоӣ доштааст, манозири табиии Арабистони Саудӣ аз ҷумла дарёи Сурх, кӯҳҳои сабзи Асир, манотиқи пӯшида аз барфи Табук, шаҳри соҳилии Ҷида ва Риёз, пойтахти ин кишварро ба намоиш мегузорад.
Ҷозибаҳое монанди E-Prix дар Дерия, порки мавзӯии мавсими Риёз, парвози Баллонҳо дар Ал-Аъло ва рӯйдодҳои мусиқӣ дар ин Кампайн, таблиғ шудааст. Дар ин видео ҳамчунин тасовире аз тими миллии футболи занони Арабистон, Дония Ақил, қаҳрамони зани риштаи маторсавории ин кишвар ва Риёна Барновӣ, аввалин зани фазонаварди арабистонӣ ба намоиш даромадааст.
Ин кишвар ба унвони бахше аз чашмандози худ мабни бар табдил шудан ба як қутби гардишгарӣ ва тафреҳӣ то соли 2030, қасд дорад солона 150 миллион гардишгар ҷазб кунад ва гардишгарӣ 10 дарсад аз иқтисоди Арабистонро ба худ ихтисос диҳад.
Арабистон, сармоягузориҳои қобили таваҷҷуҳе болиғ бар садҳо миллиард доллар ба тавсеаи барномаҳои азим дар манотиқи биёбонӣ ва кӯҳистонӣ ихтисос дода, ки қарор аст зарфи ҳафт соли оянда ё зудтар рӯнамоӣ шаванд.
Ин кишвар ҳамчунин бо тарроҳии барномаӣ визои электроникии Evisa, ки дар ҳоли ҳозир шомили 63 кишвар аст, вуруди гардишгаронро тасҳил кардааст. Ҳамчунин як визои таваққуфии 96 соатаи роягон вуҷуд дорад, ки ба боздидкунндагон ин имконро медиҳад, ки як шаб иқомати роягон дар ҳутел дошта бошанд. Мусофирон метавонанд аз визои таваққуфгоҳӣ барои сафар дар Арабистон ва анҷоми умра истифода кунанд.
Ба назар мерасад ин иқдомот бахше аз корзори тағйири ваҷҳаи Арабистон назди афкори умумии ҷаҳон аст, ки аз замони даврони валиаҳдии Муҳаммад ибни Салмон, сиёсатмадори баландпарвоз ва ҷоҳталаби ин кишвар оғоз шуда ва мекӯшад бо эҷоди ислоҳоти иқтисодӣ ва иҷтимоӣ сафҳаи ҷадиде дар таърихи Арабистони Саудӣ гушӯда шавад.
Валиаҳди Арабистони Саудӣ аз нахустин рӯзҳое, ки қудратро ба даст гирифт дар гуфтугӯ бо расонаҳо аз азми худ барои овардани ислоҳоти иҷтимоӣ ва муқобила бо тафаккуроти ифротӣ ва истиқбол аз миёнаравӣ ва эътидол сухан гуфт. Ба гуфтаи ӯ, ин ислоҳот, таҳаввули жарфе дар ҷомеаи Арабистон падид хоҳад овард ва онро ба ҷомеаи мудороҷу табдил хоҳад кард.
Ба гуфтаи ибни Салмон, ҷомеаи Арабистон аз ҳокимияти андешаҳои сахтгирона ва мутаассибона ранҷ бурда ва аз ин рӯ лозим аст бо ин афкор мубориза сурат бигирад ва ин андешаҳо ба дасти нобудӣ супурда шавад. Ба эътиқоди валиаҳди Арабистон, сарзамини Арабистон бояд пас аз ин зиндагии табиӣ худро аз сар бигирад ва рӯйкарди осонгирона ба омӯзаҳои динӣ дошта бошад ва одатҳо ва суннатҳои писандидаи ҷомеаи Арабистонро ба хубӣ нишон диҳад ва равобити хуб бо ҷаҳониён барқарор кунад ва дар пешрафт ва ободонии кишвар ва ҷаҳон саҳм дошта бошад.
Фармонҳое, ки ахиран Малик Салмон содир карда, нишон медиҳад ҳокимон Саудӣ аз рӯйкардҳои муҳофизакорона ва тафаккуроти ифротии ваҳҳобият хаста шудаанд ва мехоҳанд онро канор бигузоранд. Лағв мамнуъияти ронандагии занон ва мамнуъияти ҳузури онҳо дар варзишгоҳҳо ва низ маҳдуд шудани доираи ихтиёрот ва вазоифи ҳайати амри ба маъруф ва наҳйи аз мункар, ки яке аз марокизи қудрати олимони мазҳабӣ дар Арабистон аст аз ҷумла муҳиммтарин тағйирот дар ин чорчуб ба шумор меравад.
Бадеҳӣ аст тағироти бунёдин дар афкор ва ақоид ва суннатҳои мардуми ҳар кишваре ниёзманди замони тӯлонӣ аст ва даҳаҳо ба тӯл хоҳад анҷомид. Бояд мунтазир монд то бубинем ин тағйирот то куҷо метавонад идома пайдо кунад ва мардуми ин кишвар ва шуюхи ваҳҳобӣ то чӣ мизон бо он ҳамроҳӣ хоҳанд кард.
