Афзоиши фаъолиятҳои ҷадиди қуръонӣ дар Миср
Ба гузориши манобеи хабарӣ, Вазорати авқофи Миср аз афзоиши чашмгири фаъолиятҳои қуръонӣ Миср дар чанд соли ахир бо ҳадафи эҷоди огоҳиҳои динӣ ва қуръонӣ ва ҳамчунин муқобила бо ифротгароӣ хабар дод.
Ба гуфтаи Вазорати авқоф Миср бахши умдаи ин фаъолиятҳо шомили афзоиши маҳфилҳои қуръонӣ бо ҳузури қориёни аршад ва расондани он ба чаҳор маҳфил дар ҳар моҳ ва ду маҳфил дар масҷиди Миср, баргузории маҳфили қуръонии саҳаргоҳ, ки рӯзона дар 11 масҷид ва дар рӯзҳои душанбе ва панҷшанбе дар 316 масҷид баргузор мешуд.
Маҳофил ва фаъолиятҳои қуръонии вижаи бонувон низ равнақ ёфтааст, аз ҷумла маҳфили қуръонии бонувони қории Миср, ки шанбе ҳар ҳафта баъд аз намози аср баргузор шуда ва маҳофили қуръонии қориёни воизони зан, ки рӯзҳои ҷумъа, шанбе, якшанбе ва чаҳоршанбе ҳар ҳафта баъд аз намози аср баргузор мешавад.
Илова бар фаъолиятҳои ёдшуда маҳофили тиловати қориёни аршади мисрӣ, ки ҳар ҳафта рӯзҳои ҷумъа, шанбе, якшанбе ва сешанбе баъд аз намози субҳ баргузор мешавад.
Марокизи қироати Қуръон ва омӯзиши аҳкоми қироат аз сӯи Вазорати авқофи Миср доир шуда ва ҳар ҳафта рӯзҳои шанбе, душанбе ва чаҳоршанбе баъд аз намози зӯҳр ва ҷумъа қабл аз намоз баргузор мешавад.
Аз сӯи марокиз ҳифзи Қуръон аз роҳи дӯр низ доир ва 93 воҳиди рӯзона тибқи барномаи танзим шуда фаъолият мекунанд.
Дар канори ин барномаҳо, фаъолиятҳое барои омӯзиши Қуръони Карим ба афроди оддӣ низ сурат гирифтааст, аз ҷумла муҳиммтарини ин фаъолиятҳо барномаи «қироати худро тасҳеҳ кунед» аст, ки аз якшанбе то панҷшанбе ҳар ҳафта дар 1503 масҷид саросари Миср ва дар Қоҳира низ ҳар ҳафта аз шанбе то панҷшанбе дар масҷиди Сайида Нафиса баргузор мешавад.
Вазорати авқофи Миср ҳамчунин иқдом ба эъзоми қориёни аршад дар моҳи мубораки Рамазон ба дигар кишварҳои ҷаҳон кардааст ва дар ин росто низ маҳфили тиловати Қуръонро бо ҳузури намояндагони Вазорати авқоф дар хориҷ аз Миср дар масҷиди Сайида Зайнаб (с) баргузор ва маҳорати қориёни ҷавони эъзомиро тақвият мекунад.
Илова бар маҳофили қуръонӣ баргузории мусобиқоти байналмилалии Қуръони Карим ба вижа мусобиқоти байналмилалии навобиғи Қуръони Карим ва фарҳанги исломӣ дар ҷануби сино бо ҳамкории Вазорати авқоф низ аз ҷумла муҳиммтарин фаъолиятҳои қуръонии ин Вазорат дар чанд соли ахир будааст.
