Ҳикояти бонуи нобиное, ки зиндагии худро вақфи омӯзиши Қуръон дар Миср кард + филм
Ба гузориши манобеи хабарӣ, шайха Сабиҳа, бонуи нобинои мисрӣ аз аҳолии устони Манофияи Миср, ки худ дар бузургсолии Қуръонро омӯхт ва ҳифз кард, зиндагии худро вақфи омӯзиши Қуръони Карим ба занон ва кӯдакони рустои Соқиа Абушаъра воқеъ дар бахши Эшмуни устони Манофия, зодгоҳи худ кардааст.
Шабакаи моҳвораии CBC дар барномаи «занон наметавонанд дурӯғ бигӯянд» бо интишори гузориши тасвирӣ ба зиндагии ин бонуи нобино пардохта, ки зиндагии худро вақфи омӯзиши Қуръон ба кӯдакон ва занони зодгоҳи худ кардааст.
Ин бонуи нобино ва баландҳиммати мисрӣ дар соли 2008 муваффақ ба ҳифзи комили Қуръони Карим шуд ва бо ҳиммати мисолзаданӣ ба ҳамроҳи кӯдакони русто дар мактабхона ҳозир мешуд то Қуръони Каримро ҳифз кунад ва пас аз ҳифзи комил низ омӯзиши Қуръони Каримро дар манзили шахсии худ оғоз кард. Ӯ ин иқдомро таҳаққуқи орзӯи дерина барои худ ва охирин орзӯи худро зиёрати Байтуллоҳилҳаром донист.
