Боздиди ҳайатҳои байналмилалии қуръонӣ аз Дорулқуръони ҳарами имом Ҳусайн (а)
Ба гузориши пойгоҳи иттилоърасонии остони муқаддаси Ҳусайнӣ, ҷамъе аз ҳайатҳои байналмилалии қуръонӣ дар айёми зиёрати Арбаин аз Дорулқуръони остони муқаддаси Ҳусайнӣ боздид карданд. Дар ин дидор масъулоне аз ҳайатҳои байналмилалии қуръонии Эрон ва Арабистони Саудӣ ҳузур доштанд ва мавриди истиқболи шайхи Хайруддин Алҳодӣ, раиси Дорулқуръони ҳарами Ҳусайнӣ ва Сайид Иброҳими Мусавӣ, муовини идории ин Дорулқуръон қарор гирифтанд.
Ба гуфтаи Мусавӣ, ин дидор ба манзури тақдир аз дастовардҳои қуръонии ин марказ ва ҳамчунин фаъолиятҳои қуръонии он дар тӯли айёми Арбаин сурат гирифтааст.
Меҳмонон дар ин дидор ин дастовардҳоро сутуданд ва бар зарурати иртибот байни муассисоти қуръонӣ ба манзури баргузории ҳарчӣ беҳтари маҳофил ва фаъолиятҳои қуръонии мухталиф дар айёми Арбаин таъкид карданд, зеро ҳузури муассири наҳзати қуръонӣ дар ин муносибат гувоҳи равшане бар ҳувияти қуръонии ин муносибат ва таъкиде бар пойбандии зоирон ба китоби илоҳӣ аст.
Онҳо ҳамчунин бар зарурати иртиботи худ бо Дорулқуръон бо таваҷҷуҳ ба марказияти он дар сатҳи ҷаҳони Ислом таъкид карданд, чаро, ки ин маркази муҳим дар давраи гузашта бо фаъолиятҳои худ ба шакли барҷаста сатҳи фаъолиятҳои қуръонӣ дар Ироқро иртиқо дода ва онро дар сатҳи байналмилалӣ матраҳ кардааст.
Мусавӣ афзуд: Дорулқуръон низ аз ҳузури ҳайатҳои қуръонӣ ташаккур ва бар тадовуми анҷоми фаъолиятҳо ва баргузории рӯйдодҳои қуръонӣ таъкид кард ва ҳамчунин аз барномаи худ барои тақвияти фаъолиятҳои байналмилалии қуръонӣ ва тақвияти иртибот бо соири марокизи қуръонӣ хабар дод. Ба гуфтаи вай ин иқдомот дар ростои ҷазби ҳаддиаксарии чеҳраҳои қуръонӣ аз ҷумла асотид, ҳофизон ва қориёни Қуръони Карим сурат мегирад.
