Ҳамалоти сангини мушакии Ҳизбуллоҳи Лубнон ба Исроил
Ба гузориши хабаргузории “Шиҳоб Нюз”, гурдонҳои Қассом (шохаи низомии ҷунбиши муқовимати исломии Фаластин Ҳамос) бо судури баёнияе эълом кард, ки сарзаминҳои ишғолиро аз ҷануби Лубнон ҳадаф ҳамлаи сангини мушакӣ қарор додааст.
Дар баёнияи гурдонҳои Қассом омадааст: Соати 17:15 аз ҷануби Лубнон «мақарри типи ғарбии 300» душман дар «Харба Моъар» воқеъ дар Ал-Ҷалили ғарбӣ дар шимоли Фаластини ишғолиро ҳадафи ҳамлаи мушакии мутамаркиз қарор додем.
Дар идомаи ин баёния омадааст: Ин ҳамлаи мушакии мутамаркиз бо шиллики 30 мушак анҷом шуд ва тайи он истеҳкомоти тӯпхонаии ин типи низомӣ, маркази таъмир ва нигаҳдорӣ ва таҷаммӯъи низомиёни душман даруни он ҳадаф қарор гирифт.
Дар ҳамин робита манобеи саҳюнистӣ ба захмӣ шудани яке аз низомиёни артиши режими саҳюнистӣ дар ҳамлаи мушакии Ҳизбуллоҳи Лубнон ба шимоли сарзаминҳои ишғоли изъон ва эътироф карданд.
Ба гузориши манобеи хабарӣ, режими саҳюнистӣ эътироф кард, ки яке аз низомиёни артиши ин режими хабис дар ҳамлаи мушакии Ҳизбуллоҳи Лубнон ба шимоли сарзаминҳои ишғолӣ захмӣ шудааст.
Бар асоси эътирофи режими саҳюнистӣ ин низомии саҳюнистӣ дар натиҷаи инфиҷори яке аз мушакҳои зидди зиреҳи шиллик шуда аз самти Лубнон дар шаҳраки саҳюнистнишини «Киббутз Дан» дар атрофи марзи Лубнон ва сарзаминҳои ишғолӣ ба шиддат захмӣ шудааст.
Бемористони саҳюнистии «Рамбом» дар Ҳайфои ишғолӣ низ эълом кард, ки ин низомии саҳюнистӣ барои анҷоми амали ҷарроҳӣ ба утоқи амали ин бемористон мунтақил шудааст. Ҳамчунин ин бемористони саҳюнистӣ вазъияти ин низомии саҳюнистӣ захмӣ шударо хатарнок тавсиф кард.
Аз сӯи дигар расонаҳои режими саҳюнистӣ аз ба садодромдани ожири ҳушдор дар шаҳракҳои саҳюнистнишини «Матот», «Араб Ал-Аромаша» ва «Ҳарфяш» дар Ал-Ҷалили улё воқеъ дар шимоли сарзаминҳои ишғолӣ хабар доданд.
Хабарнигори Алҷазира низ гузориш дод, ки ҳамалоти мушакии ҷадиде аз самти Лубнон ба сӯи Ал-Ҷалили улё дар шимоли сарзаминҳои ишғолӣ сурат гирифтааст.
Илова бар ин манобеи расонаӣ аз вуқӯъи ҳариқ дар шимоли сарзаминҳои ишғолӣ дар пайи ҳамалоти мушакӣ аз самти Лубнон хабар доданд ва эълом карданд, ки ҳавопаймоҳои обпоши режими саҳюнистӣ дар талош ҳастанд, ки ин оташсӯзиҳоро хомӯш кунанд.
https://tajikpress.com/2024/09/11
